Wednesday, May 25, 2011

The flare jeans 70's look البنطلون الشارلستون

لما باشوف البنطلون الواسع من تحت بافتكر علي طول كلمه البنطلون الشارلستون اللي كانت سهير رمزي وسعاد حسني و مرفت امين بيلبسوه في الافلام وكان موضه جدا بس كانت القصه بتاعته واسعه شويه من فوق ونازله علي اوسع من تحت
اعتقد ان كلمه شارلستون جت من اسم رقصه امريكاني ظهرت في العشرينات وظهرت تاني في الستينات والسبعينات ويمكن مغنيين الجاز لبسوا البنطلونات دي فعلشان كده طلعوا عليه الاسم ده وكمان بيسموه البنطلون الجرس او البل بوتوم او فلار بانتس من التسعينات ظهر الموديل دة تاني مع اختلاف في القصه ،اصبحت ضيقه لغايه الركبه و بعدين نازله علي واسع ، والوسط واطي شويه
الان رجع موضه تاني مع ظهور موضه السبعينات يعني ممكن تلبسيه وتعملي لوك السبعينات بكل تفاصيله زي النظاره الكبيره والصندل الدبابه والحزام العريض بس طبعا لازم يبقي لايق علي جسمك
صور كثيره جمعتها من سايت لوك والمجموعه كلها تقدري تشوفيها لو تتابعتي اللينك ده


http://www.look.co.uk/pictures/celebrity-fashion-trend-seventies-flares/vanessa-hudgens-channels-boho-chic-in-a-printed-to


فانيسا هدجنز في طقم جينز وبلوزه مشجره شيفون برسمه النمر طقم يصلح للمساء و الصباح

هايدي كلم بجينز علي تونيك طويل مشجر،يصلح للجسم العريض

جانواري جونز بطقم للصباح وجينز بجيوب علي قميص كاروهات

الجميله باريس هيلتون بطقم يصلح للمساء عباره عن جيليه فرو علي تيشيرت وبنطلون اسود لاحظي قصه البنطلون ضيق لغايه الركبه ونازل علي واسع

اليزا دوشكو بطقم مناسب جدا للعمل وللجسم العريض ،جاكت فوق بلوزه حرير علي البنطلون

ويتني بورت في طقم عباره عن بلوزه واسعه اي شايب علي الجينز والصندل الدبابه ،طقم للصباح
طقم يصلح للشابات النحيفات ويصلح للصباح
كاتي هولمز بطقم كاجوال عباره عن قميص جينز خفيف علي البنطلون الجينز

طقم يصلح للمساء بدله وعليها ايشارب شيك ، بوهو لوك

Thursday, May 19, 2011

Trend Alert WEDGES الاسبيدري والصندل الدبابه موضه تاني

موضه السبعينات بكل تفاصيلها رجعت تاني الموسم ده والموسم القادم
الاسبيدري او الودجز اللي بكعب دبابه زي ما كنا بنسميه زمان رجع موضه تاني
وانا صغيره كنت باشوف اخواتي الكبار علي طول لابسين الصنادل اللي بكعب دبابه وحاولت مره اعمل كبيره والبسه لكن وقعت علي وشي
المهم لما كبرت و اصبحت طويله اصبح من الصعب انني البس الكعب العالي ،بس الحمدللله ان فيه منه الواطي وهو مريح جدا
الاسبيدري ممكن يتلبس في الصباح و المساء ومريح جدا في العمل بس ما ينفعش للسهره
من المحلات الحلوه في القاهره اللي ممكن تلاقي فيها موديلات لذيذه
source , club Aldo , Tatatio , City stars
ولمزيد من الموديلات تابعي اللينك
http://www1.bloomingdales.com
www.endless.com
www.Zappos.com





























Saturday, May 7, 2011

Alexander Mcqueen success and traged الكسندر ماكوين النجاح الشهره المأساه
























بعيدا عن اخبار الوطن و اخبار الثوره والثوره المضاده ، والكلمات الجديده المستحدثه مثل فلول النظام السابق التي اصبحت شماعه نعلق عليها كل اخطائنا و سلوكياتنا السيئه ،التي تحتاج لثوره اخري لاصلاحها قررت ان اقرأ في المجال الذي اعشقه و هو الازياء ووجدت التالي :

بدأ معرض الكسنندر ماكوين في متحف المتروبوليتان للفن بنيويورك يوم 3 مايو-31 يوليو و اسمه الجمال المتوحش او الجمال البدائي و ذلك لتكريم المصمم العالمي البريطاني صاحب بيت الازياء الذي تعمل فيه ساره بيرتون التي قامت بتصميم فستان الدوقه كيت ميدلتون زوجه الامير ويليام و ذلك تكريما له بسبب اسهاماته الفنيه في عالم الازياء
حضر المعرض اشهر الفنانات وكان افتتاح غايه في الاناقه و الشياكه وعندما دخلت علي الموقع الخاص بالمعرض اصبت بالذهول من فخامه القاعات ،التجهيزات ،مدي الاهتمام باعماله ورؤيته في تصميم الازياء.
لي الكسندر ماكوين بريطاني ولد عام 1969 وتوفي عام 2010
ابوه كان سائق تاكسي و امه كانت مدرسه ،بدات مظاهر حبه لفن الازياء من الطفوله وبدأ في عمل فساتين لاخوته الصغيرات
ترك المدرسه في سن السادسه عشر ليتدرب في بيت ازياء عريق اسمه اندرسون وشيبرد
و تدرب في بيوت ازياء عديده اخري ثم اكمل دراسته للازياء في كليه سنترال سان مارتين كولدج وتدرج في دراسته حتي حصل علي الماجستير
عمل مع بيت ازياء جيفنشي فتره بحلول عام 2007 كان له محلات بكل انحاء العالم
حصل علي عده جوائز مثل جائزه احسن مصمم بريطاني في العام اربع مرات

تميزت تصميمات و مجموعات ماكوين بانها كانت دائما مثيره للجدل و صادمه لكل من رأها
كل مجموعه كانت تحمل رؤيه لفتره زمنيه او لعصر او حدث تأثر به المصمم وعبر عنه بخطوطه ، قصاته و ألوانه مثل مجموعه الرومانسيه القوميه
كان يستعمل اسلوب المتناقضات اي يضع عناصر مختلفه بجانب بعض ليطهر جمال كل عنصر في تناغم وانسيابيه
ماكوين عرف بعدوانيه تصميماته و جرأتها وعرف بصاحب الموضه العدوانيه او الدمويه
هو اول من ابتكر موضه البنطلون ذو الوسط الهابط او اللو ويست
اول من استخدم العارضات الهنود في عروض الازياء
و من الاوائل الذين استعملوا الخيال المسرحي و المؤثرات الصوتيه و الضوئيه في عروض الازياء
توفي عام 2010 بطريقه مأساويه فلقد وجدوة مشنوقا في بيته و لم يحدد السبب اذا كان انتحار او غيره ، بعد وفاته تولت ساره بيرتون اداره بيت الازياء

الدي جذبني للكتابه عن الكسندر ماكوين هو مدي احتفاء العالم به و التقدير الذي حظي به في حياته ومماته ، لم يحكموا عليه باتجاهاته الدينيه او علي حياته الشخصيه فهي شيء خاص به ، بل حكموا فقط علي اعماله واسهاماته في مجال الفن وهذا الفرق بين العالم المتحضر والعالم المتخلف
الملاحظ والغريب ان كل الفنانين المتميزين عندما تبحث ورائهم تجد حياتهم الشخصيه مليئه بالمأسي ، فهل العذاب يخرج ابداعات الانسان؟ Font size
Bold Italic
Text Color
Link
http://blog.metmuseum.org/alexandermcqueen/about/