Sunday, December 16, 2012

مراحل صنع بنطلون جينز

بما انني عاشقة لكل ما يتعلق بالملابس وجدت فيديو ممتع جدا لكيفية صنع البنطلون الجينز بمراحله المختلفة و انبهرت بالسرعة في العمل و التكنولوجيا الحديثة التي دخلت علي ماكينات الحياكة لتسهل علي العامل و تزيد انتاجيته
ايضا النظام المتكامل الذي يتيح للمصنع انتاجية عالية و جودة عالية ايضا
 http://www.youtube.com/watch?v=Mn5Hvyz-4KU
 

Wednesday, December 5, 2012

خنقة أول لبسة

اشتريت بادي جديد من سيلفي وكانت أول لبسة النهاردة  ، علشان البس البادي اتحشرت فيه بالعافية كأنني بأتخانق ايد فو ق وايد تحت و حسيت ان كتفي هايتخلع علشان البسه المهم لبسته وبعد كده حسيت انني مخنوقة من رقبتي كأن حد حاطط ايده علي رقبتي و فعلا بيخنقني ، استحملت وقلت يمكن بعد شوية يوسع لكن طول الفترة اللي كنت لابساه ما حسيتش بأي تغير
اتفرست و قلت لازم احكي تجربتي مع البادي التعذيبي دة
علشان اعرف المشكله فين قست محيط رقبتي طلع 34 سم و محيط رقبة البادي 28 سم يعني فيه فرق 6سم هما اللي عاملين المشكلة انا  عارفة ان المفروض في باترون البادي يضيقوا شوية لأنه مع الوقت بيوسع بس المسموح من2-3 سم فقط وليس 6سم
ارجوكم ارحمونا وراجعوا مقاسات القطعه قبل الانتاج حتي نوصل بالجودة لمستوي  الملابس المستورده
يا تري حد مر بالتجربة دي زي ؟



Friday, November 16, 2012

ماركس اند سبنسر و خدمة جديدة

الان ماركس اند سبنسر يقدم خدمة جديدة و هي نصائح مجانية مقدمة من مدوننين اخصائيين في الموضة لمساعدة كل امرأة كيف تلبس ما يناسب جسمها و انواع الاجسام  المختلفة وما يناسب كل جسم
الصورة توضح الجسم الكمثري و يتميز بصغر حجم الجزء العلوي و كبر حجم الجزء السفلي وينصح لاصحاب هذ الجسم بالتالي
لبس البلوزات و التوبس الفاتحة و الملونة
الفساتين او الباوزات بتفاصيل في الاكمام و القبة لجذب الانتباه لهذه المنطقة
حردة الرقبة الفي او المدورة
البعد عن الجوبات الضيقة و السكيني جينز
لبقية اشكال الاجسام
Hello
جسم الكمثري

Monday, November 12, 2012

نفس الشكل نفس الستايل

Look of the Day photo | Olivia Palermoدائما لما بأشوفهم اتلخبط فيهم اوليفيا باليرمو وكييرا نايتلي و الاثنين تقريبا نفس الستايل رومانتيك كلاسيك
http://www.instyle.com/instyle/lookoftheday/0,,21239884,00.html?xid=newsletter-LOTD#21238535



Thursday, November 1, 2012

كيف تلبسين الجوب

    الجوب بفولونة علي الوسط او البيبلام
 الموديل دة بيليق علي اللي ما عندهمش جناب لانه بيعرض المنطقة دي. اختاري القماش الخفيف في الموديل علشلن الفولونة ما تبقاش واقفة  ودايما البسيها علي بلوزة او توب ضيق 
حاولي تلبسيها مع كعب عالي ها يبقي الشكل احلي  وبلاش البوت لأنها موديل كلاسيك شوية
لو كنت قصيرة ابعدي عن السبيدري لأنه بيقصرالرجل اكثر








 
الجوب الماكسي
  الشكل بيبقي احلي لما تكون قماشتها خفيفة و بتتحرك معاكي ممكن تتلبس علي جاكيت تريكو او بلوزة قصيرة طول الجوب لازم يغطي وش الرجل لو كنت طويلة جربيها مع قطع كثيرة من فوق يعني توب وفوقه صديري مثلا
يليق معاها البالرينا و البوتات القصيرة و ابعدي عن الاحذية الكلاسيك اللي ببوز 

 

الميني جوب
تصلح لمن هم تحت الثلاثين او تكون رجليكي حلوة و لو انتي اكبر ممكن تلبسيها تحت كولون غامق احسن اختاري الجوب المستقيمة و ما تكونش ضيقة قوي علشان ما تبينش الجناب و عيوب الجسم ممكن تلبسيها علي توب واسع او كارديجان لوكنتي طويلة و ممكن علي جاكيت
ء
 الجوب الترامبت
الموديل دة بيظهر الهانش فلازم جسمك يبقي متناسق  بيليق عليها التوب او البلوزة القصيرة الضيقة ولازم البلوزة تدخل من جوة لو انتي قصيرة الطول يبقي علي الركبة او فوقها ولو طويلة ممكن الطول يبقي تحت الركبة و بيليق عليها الكعب الرفيع و لو عايزه تلبسي جاكيت لازم تبقي طول الوسط الموديل بيحتاج بلوزات بسيطة من غير قصات او كرانيش
الموديلات مختلفة من الترامبت  تابعي اللينك
الجوب الكلوش
بتداري الجناب  و تصغر الوسط و تبقي احلي لما تلبسيها علي بلوزة ضيقة او بدي وكمان ممكن تلبسيها علي جاكت قصير زي الصورة
البسيها مع جزمة باليرينا او صندل ولو كنتي قصيرة البسي معاها كولون من نفس لون الجزمة ولوكنتي طويلة لازم الجوب تبقي طول الركبة او اطول

Image 1 of ASOS Longline Pencil Skirt

طولها يبدأ من تحت الركبة الي النصف الساق وبتليق أكثر علي الطوال لأنها  بتقصر وممكن تتلبس علي بلوزة او توب من جوة او من برة بس لو هاتطلعي البلوزة برة لازم تبقي طول الوسط او اطول شوية وبتبقي حلوة جدا علي الجاكيت الكلاسيك بس لازم الجاكيت ما تعديش بداية الجنب علشلن يبقي في تناسق في الاطوال
الموديل بيبقي حلو اللي عندهم الجزء العلوي طويل الجوب الميدي مش بيليق عليها البوت الطويل يليق عليها الانكل بوت اكثر والاحذية اللي ببوز

الجوب البليسيه
بتليق علي اي جسم و بتداري العيوب ممكن يبقي قماشها ثقيل او خفيف بيليق عليها البليزر المتوسط الطول او البلوزة وتدخل من جوة و ما تكنش واسعة قوي
 الاحذية الكلاسيك بتليق عليها و الكعب العالي الرفيع 

Sunday, October 14, 2012

تخلصي من الكراكيب

اضطرتني الظروف بعد وفاة امي رحمها الله ان اتولي التصرف في متعلقاتها بدأت منذ فترة و مازلت اعمل في هذه المهمة
اكتشفت اشياء موجودة في دولابها منذ اربعين عاما ويمكن اكثر
شنط ، ملابس ، ايشاربات ، قبعه ، اوراق قديمة ، فواتير منذ السبعينات ، عملات معدنية ، اقمشة  ، عطور اصبحت زيتية لانتهاء صلاحيتها وغيرها من الاشياء المختلفة
كنت ان اعلم انها رحمها الله  تهوي الاحتفاظ بكل شيء و تتردد كثيرا قبل التخلص من اي شىء ولكن ما فائدة كل هذا الان لقد رحلت  و تركت كل شيء و ممكن تكون نسيت ايضا ما كانت محتفظه به
كل شنطة فتحتها كنت اجد اوراق من سنين مضت وليس لها اهمية ، وجدت اقلام جديدة لم تستعمل حبرها قد جف من طول مدة عدم استعمالها  ، اقمشة جديدة بدأت انسجتها تتاكل من مرور الزمن .
ملابس قديمة من الستينات عفي عليها الزمن ولا ادري ان كانت ستصبح مفيدة كنت اتمني ان يستفاد بها اشخاص اخرين افكر جديا في البحث عن مكان ممكن يستفيد بالملابس التي تتعلق بعصر اخر مثل المسارح مثلا

بعد مروري بهذة التجربة ادعوكم وانا معكم للتخلص من الكراكيب اي شيء لا يستعمل لفترة الرجاء التخلص منه
الشنط   انا متاكدة اننا نستعمل واحدة او اثنين  اما القديم لا نستعمله كثيرا لأن الموضة بتتغير وصعب اننا نستعمله مره اخري ايضا جلد الشنطة بيتغير شكله مع مرور الوقت و كذلك الأحذية
الملابس لو مر عام ولم تستعملي قطعة ملابس معينة اعلمي انك لا ترتاحي فيها او انت غير مقتنعه بها فتخلصي منها 
العلب الفارغة و البرطمانات و الكراتين تخلصي منهم لانهم يأخذون مساحات كبيرة
الكتب الغير مستعملة ممكن التبرع بها للمكتبات المختلفة
ادوات المطبخ المتأكلة و القديمة تأخذ مساحة دون داعي   
الاجهزة الكهربائية القديمة او الغير مستعملة ممكن التبرع بها ، عندي جهاز لعمل الزبادي لم استعمله منذعشرون عاما قررت التبرع به لدار ايتام
انتهزي فرصة دخول الشتاء لفرز الملابس الصيفي و الشتوي و اعادة ترتيب دولابك



 لا تتركي منزلك يصل لهذه المرحلة

    الصورة المثالية علي اليمين

Saturday, October 6, 2012

الحل ....احذية بلون الجلد

لو عندك مشكلة في الاحذية  و عايزة تلبسي طقم و مش لاقية حاجة تليق عليه احسن حل للمشكلة هي الاحذية اللي بلون الجلد اسمه
nude color 
يعني لازم يبقي عندك اللون دة لانه بيليق علي كل حاجة و زي ما قولنا قبل كدة مش لازم الشنطة تبقي نفس اللون
اللون دة كمان يصلح لكل الاوقات الصباح و المساء







Thursday, September 20, 2012

انا صلحت ماكينة الخياطة I repaired my sewing machine

النهارده قررت أن أصلح الماكينة القديمة بتاعتي بقالي يمكن 15 سنة ماشغلتهاش كان فيها مشكلتين أولا السير اتقطع و كانت بتحوش خيط والغرزة مش مضبوطة قلت أحاول أنا أصلحها قبل ما أستعين بفني الصيانة  ، فتحتها لقيت بقايا شغل عملتة من زمان جدا قعدت أفكر و أقول لنفسي معقول أنا بقالي سنين طويلة كدة بأشتغل
المهم بدأت في تنظيفها و شيل التراب و بقايا الخيوط اللي في بيت المكوك و المكوك
وضعت زيت في الاماكن التي تتحرك فيها التروس
بدأت في تركيب السير وذلك بأنني فكيت مسمار الموتور المربوط في جسم الماكينة ودخلت السير في مكانة ثم بدأت في ربط المسمار تاني مع لف الطاره علشان أتأكد انه مشدود كويس ودوست علي الدواس لغاية ما ضبطة
 بدأت في لضم الماكينة من اول و جديد علشان اتأكد ان الخيط دخل كويس في منظم الغرز بعد عدة محاولات من فك و لضم اتضبطت الغرزة اخيرا واتصلحت الماكينة ومش ها أحتاج لفني الصيانة

   


الصورة توضح الغرزة السايبة و المكلكعة و الغرزه السليمة بعد اصلاحها

منظم الغرز هو المسئول عن شكل الغرزة

بيت المكوك لازم يبقي دائما نظيف بدون تراب او بقايا خيوط

الغرزة السليمة و الغرزة المكلكعه

Wednesday, September 5, 2012

رحلة البحث عن صندل سوارية A trip to find a soiree sandale

انا مامة العروسة  :) طويلة شوية ، هاقف علي الأقل خمس ساعات علي رجلي  في الفرح محتاجة صندل فضي مريح البسه ويكون كعبه واطي لأنني طويلة و بابا العروسة مش طويل
نزلت في رحلة البحث علي صندل سوارية نزلت الزمالك عند عبدة صالح و كل المحلات اللي جنبة  مفيش كل الموجود كعبه عالي جدا كأن البنات و الستات كلهم بيلبسوا الكعب العالي بس
نزلت في يوم تاني و رحت سكاربا في المهندسين لقيت واحدة بس مفيش مقاسي و بألف جنيه فقط يا بلاش
رحت شارع شهاب برضه مفيش فقدت الأمل فكرت انني ادور علي باليرينا  فضي بس حتي دي مش مريحة لأن كعبها واطي جدا و قلت انزل تاني وسط البلد
 وأنا ماشيه في شارع فيصل لقيت في محلات كثيرة ، اخيرا لقيت مقاس و كمان كعب واطي و بمائه جنيه فقط :) الحمدلله
كان ممكن انزل هيلتون رمسيس ، سيتي ستارز ، وسط البلد بس معنديش الوقت الف كل الاماكن دي 
ودي كانت رحلتي مع الصندل السوارية


محل في شارع شهاب كله عالي جدا









محلات المهندسين مفيش امل







اخيرا لقيته يارب يبقي مريح و ما يوجعش رجلي

Tuesday, August 28, 2012

Brocarde is a trend البروكار موضة جدا

القماش البروكار  عاد  موضة و ظهر في عروض الأزياء و فنانات كثيرات لبسوه
    القماش البروكار له تاريخ قديم  من القرن الرابع عشر و يصنع من الحرير و يتميز بسعره العالي لدقه صنعه وتتميز دمشق بصنعه و ايضا الصين وينسج بطريقه تجعله يظهر كأنه قماش مشغول وهذا يعطيه فخامة و يستعمل في فساتين السهرات
  بعد ظهور مسلسل حريم السلطان انتشر اكثر و بدا المصممون يستخدمون القماش في موديلات عصرية



موديلات من مسلسل حريم السلطان

بنطلون ترواكار  من بريمارك
ديبرا ميسنج بفستان اسود بنقشتين مختلفتين
اشلي جرين بجوب مشجرة بالورد
ابطال مسلسل حريم السلطان
فستان قصير بقصة جنب الجسم

Saturday, August 25, 2012

بسيطة مثل جيسيكا البا Simple as Jessica Alba

لو بتحبي البساطة واللبس العملي بدون تعقيد يبقي تابعي ستايل جيسيكا البا هي ممثلة امريكية من مواليد  1981
في معظم صورها لبسها بيعتمد علي البنطلون السكيني او السترايت وتوب و جاكيت او كارديجان
يعني قطع اساسية لازم تكون عندك بالوان واشكال مختلفة
الصور من ان ستايل  


هنا اختارت اللون الازرق الزهري مع توب ابيض وجاكيت ازرق مشجر الشنطة و الجزمة مش نفس اللون



في الصورة الشمال اللون الرمادي مع الكحلي سكيني مشجر مع كارديجان كات
قصير و توب كحلي طويل ممكن تعملي كدة لو عايزة تغطي منطقة الهانش علي فكرة هي ماسكة نفس الشنطة عادي يعني
في الصورة اليمين طقم ينفع للصبح و بعد الظهر
لاحظي في الصور التالية نفس الفكرة مع تغيير الالوان و الاكسسوارات  




Tuesday, July 31, 2012

Amal Maher looks ستايل امال ماهر

امال ماهر مغنية مصرية صوتها يشبه صوت أم كلثوم في قوته ، بدأت بأغاني أم كلثوم ثم حاولت أن تخرج من الشكل القديم وتصنع أغاني تلائم عصرها لاحظت ذلك أيضا في ستايل ملابسها
أعتقد أن امال ماهر أكثر فنانة مصرية قامت بتغيير شكلها علي فترات قصيرة فالصور المعروضة في الفترة ما بين 2009- 2012
قامت أمال ماهر بتغيير شكلها من الكلاسيكي المعتاد لمغنيات الموسيقي العربية الي الشكل العصري الذي يلائم الاغاني العصرية القصيرة و ذلك يعكس عدم استقرارها علي ستايل محدد او روح معينة لملابسها علي العموم هذا في صالح الفن والجمال و أتمني أن تجد الستايل الملائم لشخصيتها

    بدات امال ماهر  تظهر في الحفلات الرسمية  بمظهرالمغنية الكلاسيكية بالشنيون والفستان الماكسي


تسريحة الشعر تغيرت للوايفي ولكن المكياج بنفس الطريقة الكلاسيكية





بدات في تغيير اللوك ليصبح اكثر عصرية الجاكيت الجلد مع ملابس الجيش


لوك رومانسي مع شعر ليس و مكياج مختلف

تسريحة شعر من السبعينات
التغيير واضح في الشعر و المكياج و طريقة اللبس فهي اصبحت اكثر عصرية


لوك مختلف طفولي اكثر

لوك يمثل المراة المتحررة بالجوب الجلد و الصديري الجلد 2012 

لوك المرأة الحالمة الرومانسية