Tuesday, October 23, 2012

فساتين حفل مهرجان ابوظبي 2012





مهرجان أبوظبي للسينما كان مهرجان أيضا للازياء وكانت هناك فساتين جميلة وفساتين سيئه جدا
و معرفش لية معظم الفنانات العربيات لازم يلبسوا فساتين محزقة جدا رغم ان جسمهم مش حلو وكل العيوب بتبان أكثر لما الفستان يبقي ضيق زيادة عن اللزوم
نادر جدا لما باشوف فنانة أجنبية لابسة فستان ضيق لهذه الدرجة
المهم الفساتين هنا ماكنتش ضيقة قوي قد ما كانت غير مناسبة
كل الصور علي موقع مصراوي

مايا دياب
مايا دياب بفستان ساخن شبيه بفستان انجيلينا جولي

بدرية أحمد


بدرية احمد من الامارات اسوا فستان لأنه قصير جدا و رجليها مش حلوة كان ممكن علي الاقل تلبس كولون علشان تداري عدم التناسق

إلهام شاهين
   الهام شاهين و موديل فستان وحش جدا قصة الصدر بلون مختلف تركز علي منطقة الصدر فقط بتفكرني بعنيين الدبور او الصرصار


كارمن لبّس
كارمن لبس بفستان جميل ملائم لجسمها


منة شلبي
منة شلبي بفستان بسيط زيادة عن اللزوم المناسبة كانت تحتاج لفستان اقوي من كدة  استعمل المصمم فيه الكولوربلوك


بوسي شلبيبوسي شلبي فستانها حلو جدا لأنه لايق عليها ومناسب للحفلة واختيار الشيفون الازرق مع القماش المشجر ممتاز لأنة بيطفي ألوان المشجر شوية

Thursday, October 18, 2012

فساتين نجوم مصر و العالم العربي في حفل ام بي سي مصر



تألق نجوم مصر و العالم العربي في حفل افتتاح قناة ام بي سي مصر الذي اقيم يوم الثلاثاء في قلعة صلاح الدين الايوبي وظهرت الفنانات بفساتين منها المناسب و منها الغير مناسب
اليك معظم الصور
 
هنا شيحة بفستان غريب جدا هو قطعتين من تحت و من فوق قماش شيفون شفاف اولا الشفاف مش مناسب لانها عريضة من الفخذ و السلاسل كثيرة




غادة عادل فستانها بسيط و عادي جدا ، يسرا فستانها حلو ومش ضيق قوي كالعادة والقصات اللي في الصدر تجذب العين عن التركيز في عرض الارداف

لبلبة بفستان  دانتيل مشغول و بكتف واحدا جميل جدا و مداري اي عيوب في الجسم



درة بفستان رائع امبير ودرابيه من تحت الصدر


رانية يوسف بفستان سيمون قصير بس الصدر مفتوح زيادة ومش عارفة الكوفية البربيري لازمتها ايه.... شال يعني ولا ايه المفروض انها حفلة سوارية  الكوفية مش مجالها خالص


دينا الفستان بتاعها ضيق لدرجة فاضحة و مبين عيوب جسمها


اميرة فتحي برضة فستانها ضيق ومش حلو


ريم البارودي وزنها زاد بس الفستان حلو



ليلي علوي بفستان اسود شيك وحلو وبسيط


ميس بفستان اسود شيك اما مي فانا مش عارفة ايه اللي علي كتفها دة ريش ولا مسامير كان ممكن يبقي الكتف سادة كان ها يبقي حلو و سلاف فستانها غريب برضه

داليا البحيري بفستان تافتاة و مشغول من تحت الفستان حلو
لوسي بفستان شيفون مشجر جميل و فكرة الشنطة حلوة قوي

باقي الصور في موقع   http://www.elcinema.com/news/nw678929238/?p=6#photogallery
 

Sunday, October 14, 2012

تخلصي من الكراكيب

اضطرتني الظروف بعد وفاة امي رحمها الله ان اتولي التصرف في متعلقاتها بدأت منذ فترة و مازلت اعمل في هذه المهمة
اكتشفت اشياء موجودة في دولابها منذ اربعين عاما ويمكن اكثر
شنط ، ملابس ، ايشاربات ، قبعه ، اوراق قديمة ، فواتير منذ السبعينات ، عملات معدنية ، اقمشة  ، عطور اصبحت زيتية لانتهاء صلاحيتها وغيرها من الاشياء المختلفة
كنت ان اعلم انها رحمها الله  تهوي الاحتفاظ بكل شيء و تتردد كثيرا قبل التخلص من اي شىء ولكن ما فائدة كل هذا الان لقد رحلت  و تركت كل شيء و ممكن تكون نسيت ايضا ما كانت محتفظه به
كل شنطة فتحتها كنت اجد اوراق من سنين مضت وليس لها اهمية ، وجدت اقلام جديدة لم تستعمل حبرها قد جف من طول مدة عدم استعمالها  ، اقمشة جديدة بدأت انسجتها تتاكل من مرور الزمن .
ملابس قديمة من الستينات عفي عليها الزمن ولا ادري ان كانت ستصبح مفيدة كنت اتمني ان يستفاد بها اشخاص اخرين افكر جديا في البحث عن مكان ممكن يستفيد بالملابس التي تتعلق بعصر اخر مثل المسارح مثلا

بعد مروري بهذة التجربة ادعوكم وانا معكم للتخلص من الكراكيب اي شيء لا يستعمل لفترة الرجاء التخلص منه
الشنط   انا متاكدة اننا نستعمل واحدة او اثنين  اما القديم لا نستعمله كثيرا لأن الموضة بتتغير وصعب اننا نستعمله مره اخري ايضا جلد الشنطة بيتغير شكله مع مرور الوقت و كذلك الأحذية
الملابس لو مر عام ولم تستعملي قطعة ملابس معينة اعلمي انك لا ترتاحي فيها او انت غير مقتنعه بها فتخلصي منها 
العلب الفارغة و البرطمانات و الكراتين تخلصي منهم لانهم يأخذون مساحات كبيرة
الكتب الغير مستعملة ممكن التبرع بها للمكتبات المختلفة
ادوات المطبخ المتأكلة و القديمة تأخذ مساحة دون داعي   
الاجهزة الكهربائية القديمة او الغير مستعملة ممكن التبرع بها ، عندي جهاز لعمل الزبادي لم استعمله منذعشرون عاما قررت التبرع به لدار ايتام
انتهزي فرصة دخول الشتاء لفرز الملابس الصيفي و الشتوي و اعادة ترتيب دولابك



 لا تتركي منزلك يصل لهذه المرحلة

    الصورة المثالية علي اليمين

Saturday, October 6, 2012

الحل ....احذية بلون الجلد

لو عندك مشكلة في الاحذية  و عايزة تلبسي طقم و مش لاقية حاجة تليق عليه احسن حل للمشكلة هي الاحذية اللي بلون الجلد اسمه
nude color 
يعني لازم يبقي عندك اللون دة لانه بيليق علي كل حاجة و زي ما قولنا قبل كدة مش لازم الشنطة تبقي نفس اللون
اللون دة كمان يصلح لكل الاوقات الصباح و المساء