Tuesday, February 26, 2013

احلي فساتين الاوسكار 2013





ننتظر الاوسكار كل عام لنتمتع بالاناقة و الجمال نعيش الحلم الجميل و نغرق في عالم من المتعة و الخيال
 الفساتين كلها في


كاترينازيتا جونز بفستان رائع من تصميم ايلي صعب اعجبني تطريزه الغني و ديكولتيه الصدر
 واوليفيا مان بفستان من مارشيسا الدرابيه شكله مميز






جنيفر لورانس بفستان من ديوريعود بنا لعصر  سيندريللا و الامير
جيسيكا شاستان بفستان من ارماني اللون  سيمون والموديل رقيق و رومانسي          ساندرا بولوك بفستان لايلي صعب توزيع التطريز خرافي والفستان ملائم لساندرا










تشارليز ثيرون بفستان من ديور القصة ناعمة وانسيابية الفستان شيك جدا

ناعومي واتس بفستان من ارماني قصة الصدر مبتكرة وجديدة

Sunday, February 24, 2013

الايشارب بيكمل اللوك

الايشارب قطعة مهمة جدا لتكملة اللوك و الستايل وممكن يغير شكل اللبس كله و يعطيه حياه ويعكس اهتمامك بمظهرك
الايشارب ممكن يتلبس علي كل حاجة و ينفع لكل الاوقات حسب لونة ونوع القماش يعني لو قماشه في شغل او لمعه او حرير ممكن ينفع لبعد الظهر اوبالليل ولو قطن او شيفون ينفع للصباح
الايشارب له ربطات كثيرة ومختلفة اختاري مايناسبك بس لو رقبتك قصيرة حاولي تخلي الايشارب نازل او ملفوف علي واسع ولو رقبتك طويلة ممكن ان تلفي علي ضيق
لمزيد من الموديلات shop bop


لو رقبتك قصيرة لفيه علي واسع 
















لو رقبتك طويلة ممكن تلفي اللفات دي


Friday, February 22, 2013

بدأت أحس بتغيير

 حياة المرأة مراحل الطفولة ، المراهقة ، الشباب ، النضوج و الشيخوخة  وكل مرحلة لها افكارها و أحاسيسها زمان وأنا صغيرة في فتره المراهقة وما بعدها كنت رفيعة جدا وزني كان خمسين ك و طولي مية تمانية وستين ،   ماعنديش لا صدر ولا هانش  وما كنش في البرا المبطن كمان و بالبس مقاس  تمانية او عشرة كنت لما اقف في المرايا أتخض من شكل العظم البارز في منطقة الحوض و الظهر و الرقبة يعني كدة جسمي كله كان عبارة عن عظم وكمان طويلة .  كنت باخاف اني ألبس مايوه عادي ولا يمكن أفكر اني ألبس بكيني مثلا لأن عظمة الحوض كانت ظاهرة بشكل وحش أو يمكن أنا كنت شايفة كدة مش عارفة
كنت لما أمشي في الشارع أحس ان الناس كلها بتبص علية و علي شكلي الغريب ومعظم المعاكسات كانت هو" اوصلك ازاي دة انتي عايزة سلم " او" ايه عمود النور اللي ماشي دة " و ايه دة نخلة ماشيه علي رجليها "  يعني كلام من هذا النوع

اعتقادي و اقتناعي في الوقت دة اثر علي الستايل بتاعي  و تقريبا هو السبب في طريقة اختياري لملابسي 
بدأت البس الواسع علشان ادي لنفسي حجم اكبر واداري الرفع لأنني ماكنتش لسة بافهم قوي في الستايل و تكوين الاجسام يعني كان البنطلون واسع و التوب كمان واسع يعني كأنك معلقة الهدوم علي شماعة متحركة ما فيش اي ملامح للجسم واضحة دة ماكنش ساعتها يفرق  معايا و مازال حتي وقت قريب. دائما كنت ابعد عن الألوان الصارخة و اميل للألوان الصحراوية  حتي لا ألفت النظر. الجوب و الفستان نادر ماكنت ألبسهم لأنني برضه كنت مقتنعه ان رجلي شكلها مش حلو فالبنطلون هو الزي الرسمي ليه

الأن وأنا و اقترب من الخمسين وانا بأسميه سن النضوج و بعد خبرتي و دراستي في مجال الستايلينج و مع التغييرات النفسيه لهذه المرحلة من العمر بدأت اشعر بالتغيير اكتشفت ان جسمي ليس بشع  لهذه الدرجة يخليني اني أحاول ان أمسح ملامحه بالملابس الواسعه وانني ممكن ألبس ملابس مضبوطة علي الجسم مش ضيقة لدرجة الفرتكة و مش واسعة و أكبر من مقاسي ، بدأت اميل للألوان الفاتحة المرحة اللي بتعطي بهجة . اكتشفت ان الناس مش بتبص علية انا  و مش واخدة بالها مني أصلا و دة احساس جوايا انا بس
قررت اني ابطل اشتري اي الوان غامقة او ترابية رغم انني بأحبها جدا وأختار البلوزات اللي جنب الجسم  والبنطلون المضبوط اللي علي الموضة ، لسه ماعنديش الشجاعة اني البس الفساتين و الجوبات الا في المناسبات اللي تصلح فيها ان ألبس فستان أو جوب، بأستريح أكثر في البنطلون بس نفسي البس بوت .... يمكن الشتاء اللي جاي
بدأت احاول ان احب جسمي و شكلي كما هو و بحالته الان وان احاول باللبس و الستايل ان اداري اي عيوب انا حاسه بيها علي فكرة مش انا بس اللي باحس كدة معظم البنات و الستات مش راضيين عن جسمهم و شكلهم ودة مع الاسف بيضيع وقت كبير جدا للاستمتاع بما هو موجود حاليا
اهم حاجة انك تثقي بنفسك و تصدقي انك حلوة وكل حاجة ربنا خلقها فيكي حلوة ولو حاجة مش عاجباكي ممكن تداريها باللبس ،  الأكسسوار والمكياج وانك لازم تحسي انك حلوة لنفسك مش لحد تاني او للناس
البسي اللي يعجبك واللي ترتاحي فيه ، اقراي و ابحثي عن ازاي  تعرفي شكل جسمك ايه و ازاي تداري عيوب جسمك ما تضيعيش احلي سنين عمرك وانتي مستخبية في حاجات مش لايقة عليكي
لو مراهقة  او في سن الشباب تمتعي بالموضة والالوان و الستايلات الجريئة ولو وصلت لسن النضوج ما تخافيش من تجربة موديلات ماكنتيش بتفكري تلبسيها التغير دلوقتي مطلوب ابدأي ، جربي وما تخافيش


الستايل الجديد موديلات جنب الجسم والوان فاتحة






Tipped cardiganSelena floral pulloverShawl collar wrap top


الستايل القديم واسع وطويل



Heritage pleat-front blouseTessa printed blouse                                  





    
         

Monday, February 11, 2013

هاني البحيري في ليلة الموضة بالقاهرة Back stage photos

قدم هاني البحيري كعادته عرض مبهر لفساتين السهرة وتتميز المجموعة دائما بالتطريز الكثيف بالستراس و الترتر و الاشكال المختلفة من الخرز 
الألوان  فضيي ذهبي ،احمر واسود . القصات جنب الجسم وواسع من اسفل القماش معظمه السترتش الشفاف المشغول و بلون الجلد هو يشبه التل 
تصميم الموديل يعتمد بالاساس علي طريقة توزيع التطريز بصورة فنية عالية
واضح جدا الجهد المبذول في كل قطعة من حيث التطريز والتنفيذ
استخدم الجوانتي و البرنيطة السوارية كأكسسوارات









Sunday, February 10, 2013

cairo fashion night 2nd edition ليلة الموضة بالقاهر ة

كانت بالأمس ليلة ساحرة، ليلة الموضة بالقاهرة وذلك بفندق الفيرست مول بالجيزة بالتعاون مع  مجلة باشون ووكالة غدير العجباني للدعاية 
اجتمع كل محبي الموضة و الاناقة للتسوق ومعرفة اخرتطورات الموضة بالقاهرة 
كان هناك عرض ازياء  مختلف كل ساعة لمصممين جدد وقدامي مثل هاني البحيري ومحلات مختلفة مثل بولو وهيب و بابوشكا  ، ايضا كان هناك معرض للمصممين المصريين الجدد  و ازياءهم المختلفة قابلت معظمهم كلهم يتميزوا بالموهبة و الابداع والطموح ولديهم افكار جديدة امنيتي ان يستمروا في العطاء و محاولة الوصول لهدفهم مع وجود مؤسسات تمنحهم المساندة و الدعم لأن الطريق صعب و طويل
ابهرتني ايضا اناقة سيدات المجتمع الراقي القاهري و تماشيهم مع احدث الموضات العالمية من حيث الملابس و الستايل و الاكسسوارات وذلك جعلني اشعر ان القاهرة ستظل عاصمة الفن و الابهار في العالم العربي
اخذت بعض الصور من المعروضات التي كانت هناك و لكني لست مصورة محترفة 


هذه التصميمات من بيت ازياء شو اند سو وهو يتميز بالجرأة في التصميم و استخدام الأكسسوارات المعدنية لاعطاء القطعه شكل مختلف يصلح للحفلات
 




قابلت هناك ايضا المصممة دينا شعبان درست تصميم في مصر ثم في الخارج و بدأت العمل منذ سنتين  وهي شخصية جميلة حالمة محبة للرومانسية الناعمة ويظهر ذلك في تصميماتها  استخدمت الاقمشة الناعمة الخفيفة مثل الشيفون والحرير المشجر بورود صغيرة رقيقة خطوطها انسيابية وتميل للواسع وايضا الدرابيه البسيط معظم تصميماتها تتجه للبوهو ستايل
deanashaaban.com
















بيت ازياء امينة ك يتميز بمزج الاقمشة المختلفة لأبتكار شكل جديد تستخدم التريكو ، الجلد وقماش الخيامية لتطعيم قطع الملابس وتغيير شكلها تصميماتها بسيطة ،عملية وجديدة تصلح لكل الأوقات






ماهيتاب احمد مصممة ازياء حديثة التخرج من كاريير جايتس تعشق الموضة وكل ما يتعلق بها عملت في مجال  المودلنج  و تتميز تصميماتها بالجرأة و استخدام الاكسسوارات في قطعة الملابس
 mahitab ahmed 




مشغولات يدوية برسومات سيناوية وشرقية علي شكل لوحات وخداديات وشنط مصنوعة بدقة وجمال




 



  الفنانة عزة فهمي ومجموعة رائعة


منتجات  نبيهه زايد نازيكا ملابس مريحة تصلح للحياة اليومية  استعملت اقمشة مختلفة مع اضافة اللمسة البدوية العربية في القطعة الواحدة و  ايضا شنط باكسسوارات شرقية



صيري معروف اكسسوارات مطلية بالفضة والدهب تتميز بالرسومات العصرية التي تتطلع للمستقبل و الموديلات الحديثة



رسومات فنية مميزة و مختلفة مطبوعة علي تيشيرتات تصلح للجنسين صممها شباب عمر مبارك و مصطفي طارق بدأوا في العمل من سنتين وبافكار جديدة تعبر عن رغباتهم و احلامهم







اربع مصممين شباب انترو بصمجان هدير خليل نهي سعد مرفت مدكور قاموا بعمل بيت ازياء بتصميمات مشتركة اكثر ما لفت نظري الالوان الجريئة باستخدام الكولور بلوك والاقمشة الساتان اللامع والدانتيل ايضا مزجوا الاقمشة المختلفة مع بعض مع تناغم الالوان التصميمات جريئة و تصلح للشابات و السهرات



 لفت نظري دقة الصنع  بساطة التصميم و جودة القماش لدرجة انني اعتقدت انه مستورد وايضا للاسم جوناتي ديزاين هو بيت ازياء مصري في الاسكندرية معظم القطع المعروضة جاكتات مطعمة بالقماش المشغول و شرائط الساتان و الحليات المعدنية مثلثة الشكل تصميمات جميلة و انيقة


 

Sunday, February 3, 2013

عملت كاب من جونلة

ماما اعطتني جونلة كانت مش بتستعملها لان كانت قماشتها تقيلة و مقاسها كبير ، فكرت اني اغير موديلها و اعملها كاب وكانت اديتني كولة فرو كانت في بالطو قديم قلت استعملها كولة للكاب و دي خطوات العمل
بدأت بفتح الجونلة من نصف الظهر و خيطت الفتحة لتجهيزها لتركيب الزراير
فكيت الكمر وكشكشت الوسط لتجهيزه لتركيب الكولة
ركبت الكولة و استعملت الكمر لتنظيف الكولة من الداخل
ركبت الزراير الجديدة وعملت كباسين من جوة
عملت فتحتين من الجنب علشان اطلع منها ايدي 
وبكدة اكون عملت الكاب من الجونلة


 الجونلة قبل ما تتغير


كشكت الوسط علشان يبقي مقاس الكولة و ركبت الكولة

  
و دة شكل الكاب بعد ما خلص