Tuesday, October 22, 2013

اضحك الصورة تطلع حلوة

اضحك علشان الصورة تطلع حلوة ، كان زمان بيقوللنا كدة علشان نتصور قبل الموبايل والاي فون وغيره كانت الصورة فعلا بتبقي حلوة ، لكن بعد التطور الرهيب في الكاميرات  ، الكاميرا بقت تجيب ادق التفاصيل يعني لو وشك في نقطة بني هاتبان او لو صاحية تعبانة شوية برضة ها يبان التعب في الصورة علشان  كدة خلاص ما بقاش ينفع تتصوري من غير ما تستعدي او تخلي بالك من حاجات معينة وبسيطة ممكن تغير شكلك و تخليكي احلي

ابداي بوضع الاي شادو الاول قبل الفوانديشن علشان تقدري تصلحي اي حاجة مش عاجباكي و دايما ما تحطيش كتير ابداي خفيف وبعدين تقلي لو  زودت دة بيديكي سن اكبر في الصور

 حطي اي لاينر علي الجفن اللي فوق وبعد كدة ماسكرا تقيلة لانها هي اللي بتظهر العين 

استعملي فونديشن فاتح وخفيف علشان ينور وشك
لو ها تلمي شعرك حطي كمان فونديشن علي ودانك علشان لو اكانت بتحمر ها تبان
ما تحطيش اللون الفضي في ركنة العين لانة مش بيبقي حلو في التصوير استعملي الكونسيلر في الاركان وتحت العين
ما تنسيش البلاشر في اركان وشك وعلي عضمة الخدود

  تقلي حواجبك لان دة بينور العنيين وبيظهر جمالهم
شيلي اي زيادة للبودرة او الفونديشن بمنديل
ما تنسيش الجلوس لان دة بيدي مظهر شبابي
اضحكي بس مش قوي علشان ممكن اسنانك ما يبقاش شكلها حلو ودايما جربي ضحكتك في المرايا علشان تعرفي اي شكل بيقي احلي
اتصوري دائما في الصباح الباكر او المغرب بلاش الظهر
نزلي الكاميرا لتحت وانتي بتصوري علشان الزاوية تبقي حلوة
اختاري دائما الخلفية البيضاء