Sunday, November 12, 2017

من الصباح للمساء

امبارح كان يوم طويل جدا كان عندي ثلاثه ايفنت في اليوم وكان في فترة راحه ساعتين فقط بالنسبه لي كان يوم مرهق بس جميل كان لازم البس حاجه مريحه وفي نفس الوقت شيك علشان بالليل. اخترت قميص من زارا وجينز وصندل مريح ينفع للوقفه الطويله :)
اول ايفنت كان خاص والحمدلله مشيت بسرعه لتكرار الاحداث في الاجتماعات دي وكان لازم الحق احضر السيمينار التاني وكنت علي اعصابي علشان اوصل في الميعاد. 
المكان حلو جدا لكن المنظمين تأخروا عن الحضور نصف ساعه وتركوا المحاضر والناس مستنيين بدون اي اعذار ويظهر ان دة اصبح عادي جدا في معظم الايفنتات
المحاضرة اكتن مفيدة جدا وكانت بتتكلم عن اثر الميديا في صناع الازياء و الموضه
الايفنت الثالث كان افتتاح معرض احلام فترة النقاهه لنادي التصوير انفوكس وكنت مشتركه بتنفيذ الازياء والستايلينج لبعض الصور
بداالمعرض متاخر برضه لكنه كان علي مستوي عالي الحمدلله والناس كانت مبسوطه
النهاردة صحيت بالصداع كالعادة من اثر الضغط العصبي :)


Thursday, November 9, 2017

ملامح عن الازياء في عصر الفراعنه


Photo


afe0caf57ec46e2ade82f35f5a6a178e.jpg (279×454)


 اعمل الان في مشروع يتعلق بالعصر الفرعوني والملابس الخاصه بهذا العصر وذلك جعلني ابحث واقرا كثيرا في هذا المجال

بعد اكتشاف زراعه الكتان في العصور الفرعونيه القديمه بدات فكرة عمل القماش من سيقان الكتان بعد تجفيفها وفصلها عن بعض علي هيئه خيوط رفيعه ثم غزلها في الانوال وصنع قطع القماش وكانت دائما باللون الابيض او علي ما اعتقد اللون الاوف وايت

الرجال

يتكون زي الرجل العادي من قطعه قماش قصيرة تسمي النفبه او ازار وهي قطعة من قماش الكتان الابيض مستطيله تلف علي وسط
Image result for ‫النقبه الفرعونيه‬‎
  الرجل في اتجاه عقارب الساعه ثم تربط بحزام
 ثم بعد ذلك اخترعو قطعه قماش سفليه شبه مثلثه  تغطي منطقه العورة وتربط من الخلف بحبل رفيع
الملوك 
كانوا يلبسون ايضا النقبه ولكن كان يزينها حزام مرصع بالاحجارالكريمه و في نهايتها تميمه عباره عن عصفورة والتاج   و غطاء الرأس  ، طوق علي الرقبه مزين بالاحجار ، الخنجر الملكي يوضع في الناحيه اليمني   واحيانا ذيل من الخلف يرمز للقوة


An Ancient Egyptian tomb painting showing Ramses I with Horus and Anubis: all wearing a schenti (kilt)
و كانوا ايضا في الدوله الوسطي والحديثه يضيفون قطعه قماش جانبيه منفصله عن الرداء وتكون بلون مختلف وكانت مصنوعه بطريقه الثنايات الضيقه او البليسيه وكانت علي الجانب الايسر وتلف الي نصف الظهر فقط
الكهنه كانوا يرتدون دائما قطع من جلد الحيوانات علي كتفهم وغالبا كانت جلد الفهد و النمر رمز لقوتهم في الاتصال بالالهه
لمزيد من الصور

في الدوله الوسطي والحديثه طرأ تغيير في موضه اللبس فاضيف القميص بأكمام  ويصل طوله الي الوسط ومن تحته النقبه ثم من 
فوق عباءه من القماش الخفيف وايضااحيانا يكون بها ثنايات البليسيه
 وظهر ايضا الشال و في الدوله الحديثه ظهر اتساع في النقبه والقميص وكان القميص ينتهي بشراشيب


السيدات 
في الدوله القديمه كانت الملابس عبارة عن رداء ابيض يبدا من تحت الصدر به حمالتان تغطي منطقه الصدر او نصفه ثم تطور الامر واصبح تلبس عباءه شفافه من القماش الكتان بثنايات البليسيه واعتقد سبب انتشار البليسيه ان قماش الكتان سهل الكرمشه والطي
Tree Goddess, as usual stunning colours.Image result for pleated dressEgyptian, Old Kingdom, 2551–2528 B.C. - This design is believed to have been either sewn onto a linen dress or worked into a separate net worn over the linen. Because of meticulous note taking and photography at the time of their discovery in an undisturbed tomb in Giza, the original position of the beads was recovered, and some of the original stringing preserved. The color of the beads has faded, but the beadnet was originally blue and blue green in imitation of lapis lazuli and turquoise.

ايضا كان يوجد فستان من 
الخرز المشغول يلبس فوق القميص الابيض وذلك كان للاميرات او الملكات
وكانت الملكات تتزين بالطوق ،التاج ، الحزام المرصع بالاحجار الكريمه ،الاساور والحلقان
اما االسيدات الذين كانوا يمثلون الالهه كانو يلبسون ملابس ملونه حمراء و زرقاء
الملابس الجنائزيه كانوا يسقطون حمالات الصدر تعبيرا عن الحزن

Tuesday, May 3, 2016

عشق لا ينتهي

ساعات الواحد ممكن يعيش العمر كله وما يبقاش عارف هو بيحب ايه او عايز ايه و في لحظة يكتشف الحاجة اللي هو بيحبها و   وبيدور عليها و دة بينطبق علي اي حاجة زي الاشخاص او الاشياء او الاكل و حاجات تانية كتير
دة اللي حصل لي بالظيط.
كنت ماشية في الشارع رايحة مشوار ولقيت وانا ماشية محل انتيكات علي الناصية قلت ادخل اتفرج واكيد هالاقيه زي اي محل انتيكات دخلته لكن اول مادخلت حسيت اني في عالم تاني ، حسيت انني انتقلت لزمن تاني ريحة البيوت كانت جوة المحل ، ارواح الناس كانت حوالية .المحل اول لما بتدخليه تفتكري انه هي دي المساحة بس لكن في كل ركن بتلاقيه بيدخلك علي ركن تاني لغاية لما توصلي لقلب المحل وهو المكتب .مافيش فتفوتة في المحل مافيهاش قطعة انتيك ،  الانتيكات حواليك بكمية مهولة من فوق ومن تحت وعلي الرفوف وفي السقف احساس لا يوصف بجد استمتعت جدا وكنت مش عايزة امشي 
 صاحب المحل رجل فاضل و عاشق للانتيكات وضح لي انه ما كانش بيقدر يقاوم انه يشتري اي حاجة قديمة لغاية لما بقة المحل بالشكل دة غير المخازن اللي عندة
 لفتت نظري غزاله مورانو صغيرة شكلها يجنن وكمان رجلها مكسورة انا حبيتها علشان كدة،حسيت انها محتاجة بيت ومكانجديد تقعد في كأنها كائن حي و دة اللي حسيته





Sunday, March 20, 2016

قواعد مهمة في الأيتيكيت

حاجات صغيرة بتفوت علينا ممكن تغير نظرة الناس لينا وتفهمنا غلط ،  كمان بتدي انطباع وحش في حين ان بسهولة قوي ممكن تكسب الناس اللي حواليك وتخليهم يحبوك ويحترموك أكتر
العادات دي علي فكرة قديمة واكيد مامتك وجدتك كانوا بيقولوها لكن دلوقت بحكم العصر ومشغوليات كل واحدة او واحد مابقاش 
حد فاضي ينقلها لحد

قواعد مهمة في الاتيكيت 

في المطعم

الرجل لازم يتقدم المرأه ويفتح لها الباب و ياخد الجاكت او البالطو بتاعها ويوصلها للترابيزة اللي حاجزها او هايختارها

عيب جدا ان تضحكي بصوت عالي أو تبصي كتير لاي حد حواليك لأن دة في تعدي علي خصوصيات الأخرين
لو خارجة مع اصحابك وكل واحد هايدفع حسابه ركزي في الحاجات اللي بتطلبيها علشان ما تتعديش الميزانية المتاحة لك ، ونبهي علي الويتر انه يعمل شيكات منفصلة علشان ما تقعدوش تتخانقوا علي الحساب اخر الخروجة :)
لو صاحبتك اصرت تعزمك مافيش داعي تتحايلي عايها علشان ماتدفعش ، عادي خليها تعزمك وممكن بعد كدة تردي لها العزومة

علي الأكل

لو مش عارفة نظام الشوك والسكاكين ممكن تسألي اللي جنبك او الويتر عادي مفيش مشكلة
لو هاتتاخري علي الميعاد أكتر من ربع ساعة لازم تتصلي تعتذري لأنك لو ماعملتش كدة يبقي عدم احترام للناس الموجودة و منتظرة
 اقفلي موبايلك او اعمليه سايلنت لأنك خارجة مع اصحابك وعيب تسيبيهم وتقعدي تبصي في الموبايل ومش لازم الناس تعرف خططك و مشغولياتك ومشاكلك
ممنوع تعملي صوت وانتي بتاكلي وايديك لازم تبقي جنبك علشان ما تضايقيش اللي قاعد جنبك
الفوطة بتتحط علي رجلك ولما بتخلصي بتسيبيها زي ماهي مش بتطبقيها تاني
لو في بذرة زيتونة او اي حاجة عايزة تطلعيها من بقك حطي الفوطة او المنديل وطلعيها فيها و بعدين حطيها جنب الطبق
ما تغرفيش الاكل بمعلقتك او شوكتك  لأن مش صح الناس تاكل مطرحك في معلقة و شوكة في كل طبق للغرف
لو الأكل كان مشترك اعملي حساب عدد الأشخاص الموجودة وما تاكليش زيادة
لو المكان مش عاجبك مش من الذوق انك تقعدي تشتمي في المكان ممكن تقعدي شوية و تروحي

المحادثة

 الناس الراقية مابتتكلمش عن نفسها ، حياتها الخاصة ، أولادها ، انجازاتها او ماتمتلك من اموال الا لو كان في حاجة لذلك او مع اصدقائك المقربين ممكن تكلمي عن اللي حصل معاكي النهاردة الصبح أو الجو 
الاستماع   للاخر مهم جدا وعدم مقاطعته الا للضرورة وكمان تحسيسه انك مهتمة بالكلام مش سرحانة
مفيش داعي اطلاقا انك تكلمي علي حد مش موجود ، النميمة يعني
لو حكاية اتحكت قدامك مفيش داعي تقولي ياه مانا عارفاها اسمعيها وخلاص

 الزيارات

الوصول في الميعاد مهم جدا لا قبل ولا بعد الا لو ها تعتذر عن التأخير
مش لطيف انك تاخذي معاك اطفال الا لو كان هم عندهم علم مسبق بذلك 
لو في عشاء عيب جدا انك ماتكليش علشان عاملة رجيم لو فعلا عامله رجيم اعتذري عن العزومة خالص وما تقعديش تشرحي الرجيم بتاعك لأنهم ممكن يكونوا مش مهتمين انهم يعرفوا
ممكن تاكلي حاجة بسيطة وخلاص

السلام

لو داخلة مكان في ناس مفروض تسلمي علي الجميع ممكن باليد او لو ماتعرفيهمش قوي ممكن بالكلام و هز الرأس
مفروض تقومي تقفي للسيدة و لكبار السن سواء رجال أو سيدات وما تقفيش للرجال
لو في انترفيو ممكن تسلمي علي مديرك بعد انتهاء المقابلة
لو بتستلمي هدية أو تكريم لازم تسلمي باليد و تشكري مقدم الهدية

السلالم والاسانسير

الأولوية للسيدات في طلوع السلم الا لوكان مظلم او خطر ممكن الرجل يطلع معاها علشان يساعدها
بالنسبة للأسانسيرلو في رجال مع السيدات يسأل الرجل السيدات عن الادوار المطلوبة ويقوم هو بدوس الزراير
للسيدات الأولوية في الخروج من الأسانسير

المواصلات

طبعا الصغير لازم يقوم للكبير و الراجل لازم يقوم للست 
لو حد شايل حاجة تقيلة لازم نعرض المساعدة
لو حدمعاه أطفال له اولويه في الجلوس والدخول والخروج من المواصلات
الست مش مفروض تقوم للراجل حتي لو كان كبير  علشان دة واجب الرجل

المحلات 

حاولي ما تغيريش رايك كتير وانتي بتشتري لأن دة بيضايق البائع
ما ترميش الهدوم علي الأرض بعد ما تقيسي لأن البائعة مش شغالة عندك ممكن توضبيهم علي الشماعة أوترجعيهم
لما توصلي للكاشيير حضري فلوسك او الكارت علشان متأخريش اللي وراك