Saturday, December 31, 2011

مكياج راس السنة New year's make up


لسه في وقت علشان تعملي لوك جديد النهارده ، جربي مكياج النجمات  و اختاري الوان تناسب لون بشرتك و الفستان اللي هاتلبسيه ولو كنتي هتتصوري فيديو لا تنسي زيادة المكياج شويه علشان المكياج ما يبقاش باهت
لمزيد من الصور تابعي





شيرل كلو بمكياج ناعم

ايفا لونجوريا
اوليفيا وايلد بمكياج ليلا

ميلا كونيز و مكياج سموكي ايز

بليك ليفلي و مكياج بسيط ذهبي

سكارليت جوهانسون سموكي ايز باللون الاكسيديه
اماندا سيفريد مكياج موف

Sunday, December 18, 2011

استعدوا لرأس السنة New year is coming


بعيدا عن الأحداث المؤسفة التي تحدث في بلدي العزيزة ،احاول الهروب منها عن طريق تصفح العالم الخارجي و الاستعداد لحفلات رأس السنة و الفساتين الجميلة التي لا اراها حقيقة ، الا في الانترنت او في المحلات
لعدم وجود الفرصة للخروج والاحتفال والمناسبات التي يمكن  للسيدات او الفتيات ارتداء هذه الملابس  لكن ممكن ان يكون عندك مناسبة او فرح ممكن تاخذي فكرة من هذه الموديلات





فستان دانتيل قصير مبطن بالبيج 
لاحظي الحذاء الاصفر مع الاسود والبيج يعطي كونتراست رائع



ايما واطسون بفستان شيفون اسود بليسيه من الجزء الأسفل و درابيه في منطقة الصدر


راشيل زوي بفستان دانتيل رائع اسود ومطعم بشغل ابيض


تايلور سويفت بفستان دانتيل  مشغول و تل


سكارليت جوهانسون بفستان موديل الستينات



انجلينا جولي بفستان شيفون درابيه

 
الجميله كاثرين هيجل نجمة غلاف مجلة ال

Tuesday, November 15, 2011

ستايل كيم كارديشيان Kim Kardashian and her curved Body


تتمتع كيم كارديشيان بجسم ملفوف مقارب لأجسام العرب و اكيد ورائها عشرات من الستايلست يختارون لها ماتلبسه ليظهر شكلها بأحسن صورة 
ستايل كيم يتميز بالمودرن و الجريء و تحب دائما اظهار مفاتن جسمها بلبس الاحزمه واختيار موديلات الفساتين محددة الوسط
جسمها يصنف بجسم الساعة الشمسية او الاوار جلاس اي الجزء العلوي متناسق مع السفلي،  حتي لو كانت مليانة، لو الجزء العلوي متناسق مع السفلي فيبقي جسمها حلو و متناسب
مزيد من الصور في موقع
     look       Instyle  


كيم بفستان خطوبتها السابقة فستان قصير محلي بسوست وبوسط الجيب منفوخة بكسر من الجنب

جاكيت اي شايب مع بنطلون لجنجز جلد الموديل ده يداري الجناب

فستان كروازيه ودرابيه في الصدر بحزام والاكتاف عاليه
فستان كروازيه محدد الوسط ايضا و بقصه في


لاحظي، الجاكيت لما بتبقي اقصر شويه من التوب بتداري عيوب الجناب


فستان اسود بوسط و الجوب واسعة ايضا موديل بيداري عيوب الجناب




Wednesday, November 9, 2011

نصائح عند شرائك بنطلون جينز Tips when you buy jeans


مهم جدا ان يكون عند كل واحدة بنطلون جينز مضبوط لأنه هايليق علي كل حاجه و هايخلي جسمك شكله حلو
شركه ديزل للجينز نزلت بعض النصائح مهمة جدا
-اختاري قماش عالي الجوده
قماش الجينز لما يكون عالي الجوده يعيش معاكي اكثر و يخلي شكل الجسم احلي اختاري القماش  ناعم ويكون السترتش متوسط لأن السترتش لو كان كئير، بعد عدة غسلات سيفقد السترتش و يوسع

اختاري مقاس وسط مضبوط
لازم تتأكدي ان مقاس الوسط مضبوط عليكي و دة بيكون لما تدخلي ايدك في منتصف ظهرك من منطقه الوسط ويكون مفيش فراغ كدة يبقي الوسط مضبوط لو كان في فراغ يبقي البنطلون مش مضبوط

تأكدي من الخياطات
الخياطات اللي في الجينز ، في الجيوب و الجناب لازم تكون مستقيمة و مستوية لأن دة دليل علي ان البنطلون جيد الصنع

الوسط العالي للأجسام الممتلئة
لوكنت من صاحبات الأجسام المممتلئة اختاري الوسط العالي  فهو هايداري عيوب الهانش و الجناب و اختاري القصة سترايت كات اي القصه المستقيمة
اما لوكنت رفيعة فالسكيني و السلم طبعا موضة جدا
مزيد من الموديلات



  جينز سترايت كات

جينز بوت كات للأجسام الممتلئة



سكيني جينز

 بويفريند كات

لجنجز جينز
جينز قطيفة سترايت كات




Thursday, October 20, 2011

how to transfer your wardrobe from casual to career كيف تحولين دولابك من كاجوال الي ملابس العمل



 في بعض الاحيان تكوني مضطره لاستعمال الملابس الرسميه او الملابس التي تصلح للعمل وفي هذه الحاله نقع في حيره خصوصا عندما تكون معظم ملابسك كاجوال ، للنادي او لللشوبنج او للزيارات العائليه و لكن كل مشكله ولها حل

ابحثي في دولابك عن البلوزات القطن و الحرير والبسي عليهم البنطلونات  الكلاسيك  التيل ، الجبردين او الجوبات
ابتعدي عن الجينز و الترواكار فهو لا يصلح للعمل
ابتعدي عن الاحذيه الرياضيه والبسي بدلا منهم الاحذيه او الصنادل المقفوله او الودجز
استعملي البدل الموجوده عندك وممكن استعمال الجاكت علي بنطلونات و جوبات مختلفه
تأكدي ان يكون في دولابك جاكيت اسود و بيج فهما اساس اي دولاب ملابس
كل شهر حاولي ان تكملي كل طقم ناقص حتي يكون عندك اطقم كثيره مختلفه
استعملي الاحزمه ، الاكسسوارات  ،الايشاربات و الشنط المتوسطه لاعطاء الملابس المظهر الرسمي
مزيد من الموديلات من
JC PENNYS   


كارديجان وتحته بلوزه مع الحزام لاعطاء اللوك الرسمي



 الفستان الساك اساسي في دولابك
الجاكيت ممكن تغيري شكلها بوضع الحزام او
الايشارب







جاكيت التايير الشانيل النقشه ممكن ان يصلح للعمل كما هو مبين بالصوره





البدله البيج ممكن تصلح للصباح او المساء لو تغير لون البلوزه

  البلوزه الشيفون تصلح لكل المناسبات


الجاكيت البيج او البني اساسي لانه  يناسب معظم الالوان                                  الفستان ممكن ان يتغير شكله بالحزام و البوت




الجاكيت  التريكو ممكن يصلح للكاجوال و للعمل لو تغير البنطلون

Sunday, October 9, 2011

كيف ترتبين دولابك؟ How to arrange your wardrobe



الشتاء جاي وهي فرصه كويسه علشان توضبي دولابك وتتخلصي من القطع الغير مستعمله  واليك بعض النصائح:
اي قطعه مر عليها عامين او موسمين ولم تلبسيها اعلمي انك لن تلبسيها اما انك غير مقتنعه بها او انها اصبحت موضه قديمه او اصبحت ضيقه عليك

اي قطعه اصبحت ضيقه عليك تخلصي منها ولا تقوللي لنفسك يمكن اخس لان ده غالبا مش بيحصل
احتفظي بالقطع الكلاسيكيه والاساسيه مثل الهاي كول، التوب السان بروتال، البلوزات اللي بكم او نصف كم الساده

تخلصي من القطع القديمه التي مر عليها خمس سنوات اواكثرالا اذا كانت كلاسيكيه لان موضتها بتبقي راحت و لبستيها هايبان انك مش علي الموضه

الجاكتات والتاييرات اللي اكتافها عريضه بقت مش موضه خالص تخلصي منه حتي لويتحبيها وكانت غاليه لانها بتاخذ مكان و لو فكرت انك تصلحيها هايبان برضه انها قديمه و متصلحه

ساعات بنشتري حاجات و احنا مش مقتنعين بها ممكن تكون الوانها مش لايقه عليكي او انتي مش حاباها او مش مضبوطه تخلصي منها او اعطيها هديه

حاولي تعملي اطقم يعني لو بلوزه محتاجه بنطلون او جوب حاولي لما تعملي شوبنج تكملي الطقم

ما تحطيش حاجات كثيره في مكان واحد علشان الهدوم ما تتكرمش وعلشان تشوفي انتي عندك ايه

استعملي شماعات لون واحد و من نوع واحد مثل الشماعات الخشبيه و الشماعات الستانليس ستيل و استعملي الشماعات المخصوصه للجاكتات علشان بتحافظ علي شكل الجاكت وبتحميها

استعملي الفواصل البلاستيكيه اللي ممكن تحطيها في الادراج او الارففف لتنظيم الشرابات، الايشاربات ، اللانجيري

تأكدي ان الملابس اللي هاتخزينيها نظيفه بدون رائحه  أو بقع لأن اي بقع ممكن تجيب عثه و حشرات اللي ممكن تبوظ الهدوم .
ضعي بواقي الصابون او فلفل، قرنفل او نفتالين اذا كنتي بتستحملي رائحته و ذلك لمنع الحشرات