شرح باترون كورساج الخلف علي الطريقه الايطاليه

https://youtu.be/C-dinq_mi5Q

كيف نخيط الكمامه او الماسك

طرق مختلفه للبس البنطلون المقلم

البنطلون المقلم الواسع او الضيق موضه جدا بس ساعات بنحتار نلبسه ازاي او علي ايه

 انا جمعت شويه طرق من علي الانستجرام ممكن تجربيها 

بس المهم تبقي لايقه  عليك 😍😍😍

فستان ريم البارودي 2019

عرضت الفنانه  ريم البارودي صور  اخر جلسه تصوير لها و وكانت تلبس فستان من تصميم الفنان احمد عبدالله حبيت أعرض طريقه رسم الباترون هو بياخد حوالي خمسه متر ونص قماش لو كلوش واحد لكن لو دبل  كلوش  يبقي حوالي عشرة متر🙂

باترون فستان سهرة

الفستان دة لاروي جودة من تصميم ريان باشا فكرته انه كتف واحد وكم كلوش ممكن بتعمل بكذا طريقه بس انا اخترتدي
وفي الفترة الجايه ها احاول احسن شويه من جودة الرسم او ارسمه  علي الكومبيوتر

  دة موديل تاني فستان دانتيل من أسفل الجوب

باترون قميص كاجوال

القماش المستخدم كل أنواع الأقطان ويحتاج الي 2.5 متر

أنواع القصات

 دايما كل واحدة فينا لما بتنقي فستان او جوب بتسمع كلمات زي كلوش ايفازيه وميرمايد وساعات كتير مش بتبقي فاهمه معناهم او شكلهم علشان كدة حبيت اوضح أنواع وأشكال القصات المختلفه  اللي تلاقيها قدامك علشان لما تنقي اي حاجه تبقي عارفه شكلها

الدبل كلوش ودة يعني قماش مقصوص علي 2 دايرة كامله دة طبعا بياخد قماش كتير جدا يعني ممكن مثلا12 متر وهنا كمان قصه الصدر اسمها امبير وانا مش بفضلها للصدر الكبير يعني ممكن لو نزلت لتحت شويه كان هايبقي افضل

الكلوش يعني قماش مقصوص علي شكل  دائرة واحدة وهو أقل وسع من الدبل كلوش لكن بيدي تقريبا نفس الشكل وبياخد قماش أقل تقريبا سبعه متر ونص

النص كلوش يعني قماش مقصوص علي شكل نصف دائرة   

ابياخد حوالي تلاته ونص متر الجزء السفلي فقط 

 الصورة من موقع بينتريست

الايفازيه او الاي لاين هو القصه القريبه من المستقيمه ولكن بها وسع بسيط من تحت

الكلونيه او الكسرات هي قصه مستقيمه ولكن بها كسرات  متساوية وتأخذ قماش أقل من الكلوش

الميرمايد او قصه عروسه البحر وهي قصه ضيقه من عند الوسط والجانب ونازله واسعه من عند الركبه الي اسفل ولو الجسم مليان تفضل انها ماتبقاش ضيقه قوي من عند الركبه

الصوره من jjhouse

الكشكشه العاديه في اي جوب او فستان هي بتقص مستقيم مع وسع خفيف من تحت مع مراعاه كميه القماش المطلوب للجسم  بمعني أن القماش المطلوب بيبقي مرة ونصف عرض الجسم

  

خلي بالك من الدراي كلين

اكيد دايما بتروح الدراي  كلين خصوصا في الشتاء  بس خلي بالك الملابس المصنوع من الصوف الطبيعي او الكشمير  بتكش بطريقه مرعبه فالأفضل انك تعمليها علي ايديك بمياه  باردة و صابون  خفيف او صابون خاص بالاصواف اما بالنسبه الملابس المصنوع من البوليستر او المخلوطه فيه مش بتتاثر

كل سنه وانتم طيبين

كل سنه وانتم طيبين انشالله السنه دي تكون احلي وأسعد

 لنا  جميعا

الأول حاولي تحبي وترضي عن شكلك وجسمك علشان دة بيبان علي وشك اي احساس بعدم الثقه بيبان علي طول  مش مهم جسمك شكله ايه هو كدة ممكن يتغير وممكن  

يفضل علي كدة يبقي لازم نحبه علي حاله 

المهم حاولي تعرفي بس ازهري احلي ما عندك وانشالله احاول اساعدك في دة وسنه سعيدة عليكم

الفستان وحش ليه ؟

 زي لما بنقرأ كتاب أو بندخل فيلم ونقعد نفكر فيه ونحلل عناصره الموضه والملابس  بتعمل نفس الشيء للمهتمين بالموضه بتخليك تفكر و تحلل
مهرجان الجونه السينمائي 2018عمل كده معايا قعدت أسال نفسي دة حلو ليه أو وحش  ليه
#مهرجان_الجونه_السينمائي 

 فستان غادة عادل مشكلته في اللون وخامه القماش 
اللون باهت  و عادي بالنسبه لمناسبه 
مهمه زي دي
  والخامه تقيله علي الموديل ، الموديل محتاج قماشه اخف من كدة  
الصدر مفتوح بزيادة 

ايناس الدغيدي مشكله فستانها  اللون فاقع جدا والفولونه كبيرة جدا

انجي علي الفستان يصنف انه فستان كوكتيل مش مناسب لمناسبه المهرجان والموديل عادي جدا

دينا الشربيني خسرت وزن جامد وكان لازم تختار فستان لون تاني علشان يضيف لها حجم شويه كمان القصه اللي عند البطن بينت بطنها اكتر و ركزت العين عليها و دة فايدة وجود استايلست عند اختيار موديل الفستان لأعطاء النصيحه
الصدر ساقط وكان لازم يبقي في  برا

ا

الفنانه التونسيه اختارت الموديل دة يمكن للابهار ولكن الاختيار غلط لأنه زيادة عن اللزوم  

من الصباح للمساء

امبارح كان يوم طويل جدا كان عندي ثلاثه ايفنت في اليوم وكان في فترة راحه ساعتين فقط بالنسبه لي كان يوم مرهق بس جميل كان لازم البس حاجه مريحه وفي نفس الوقت شيك علشان بالليل. اخترت قميص من زارا وجينز وصندل مريح ينفع للوقفه الطويله :)

اول ايفنت كان خاص والحمدلله مشيت بسرعه لتكرار الاحداث في الاجتماعات دي وكان لازم الحق احضر السيمينار التاني وكنت علي اعصابي علشان اوصل في الميعاد. 

  كان سيمينار لستيفانيا جيليني مدير الايطاليان فاشون اكاديمي في ديزاين بوليفارد جاليريا 40

المكان حلو جدا لكن المنظمين تأخروا عن الحضور نصف ساعه وتركوا المحاضر والناس مستنيين بدون اي اعذار ويظهر ان دة اصبح عادي جدا في معظم الايفنتات

المحاضرة اكتن مفيدة جدا وكانت بتتكلم عن اثر الميديا في صناع الازياء و الموضه

الايفنت الثالث كان افتتاح معرض احلام فترة النقاهه لنادي التصوير انفوكس وكنت مشتركه بتنفيذ الازياء والستايلينج لبعض الصور

بداالمعرض متاخر برضه لكنه كان علي مستوي عالي الحمدلله والناس كانت مبسوطه

النهاردة صحيت بالصداع كالعادة من اثر الضغط العصبي :)

ملامح عن الازياء في عصر الفراعنه

 اعمل الان في مشروع يتعلق بالعصر الفرعوني والملابس الخاصه بهذا العصر وذلك جعلني ابحث واقرا كثيرا في هذا المجال

بعد اكتشاف زراعه الكتان في العصور الفرعونيه القديمه بدات فكرة عمل القماش من سيقان الكتان بعد تجفيفها وفصلها عن بعض علي هيئه خيوط رفيعه ثم غزلها في الانوال وصنع قطع القماش وكانت دائما باللون الابيض او علي ما اعتقد اللون الاوف وايت

الرجال

يتكون زي الرجل العادي من قطعه قماش قصيرة تسمي النفبه او ازار وهي قطعة من قماش الكتان الابيض مستطيله تلف علي وسط

  الرجل في اتجاه عقارب الساعه ثم تربط بحزام

 ثم بعد ذلك اخترعو قطعه قماش سفليه شبه مثلثه  تغطي منطقه العورة وتربط من الخلف بحبل رفيع

الملوك 

كانوا يلبسون ايضا النقبه ولكن كان يزينها حزام مرصع بالاحجارالكريمه و في نهايتها تميمه عباره عن عصفورة والتاج   و غطاء الرأس  ، طوق علي الرقبه مزين بالاحجار ، الخنجر الملكي يوضع في الناحيه اليمني   واحيانا ذيل من الخلف يرمز للقوة

و كانوا ايضا في الدوله الوسطي والحديثه يضيفون قطعه قماش جانبيه منفصله عن الرداء وتكون بلون مختلف وكانت مصنوعه بطريقه الثنايات الضيقه او البليسيه وكانت علي الجانب الايسر وتلف الي نصف الظهر فقط
الكهنه كانوا يرتدون دائما قطع من جلد الحيوانات علي كتفهم وغالبا كانت جلد الفهد و النمر رمز لقوتهم في الاتصال بالالهه
لمزيد من الصور

في الدوله الوسطي والحديثه طرأ تغيير في موضه اللبس فاضيف القميص بأكمام  ويصل طوله الي الوسط ومن تحته النقبه ثم من 

فوق عباءه من القماش الخفيف وايضااحيانا يكون بها ثنايات البليسيه

 وظهر ايضا الشال و في الدوله الحديثه ظهر اتساع في النقبه والقميص وكان القميص ينتهي بشراشيب

السيدات 

في الدوله القديمه كانت الملابس عبارة عن رداء ابيض يبدا من تحت الصدر به حمالتان تغطي منطقه الصدر او نصفه ثم تطور الامر واصبح تلبس عباءه شفافه من القماش الكتان بثنايات البليسيه واعتقد سبب انتشار البليسيه ان قماش الكتان سهل الكرمشه والطي

ايضا كان يوجد فستان من 

الخرز المشغول يلبس فوق القميص الابيض وذلك كان للاميرات او الملكات

وكانت الملكات تتزين بالطوق ،التاج ، الحزام المرصع بالاحجار الكريمه ،الاساور والحلقان

اما االسيدات الذين كانوا يمثلون الالهه كانو يلبسون ملابس ملونه حمراء و زرقاء

الملابس الجنائزيه كانوا يسقطون حمالات الصدر تعبيرا عن الحزن