Red hair trend موضه الشعر الاحمر

فجأه كده لقيت كل الممثلات الاجانب صبغوا شعرهم احمر مش علرفه ليه ؟ اكيد طبعا من باب التغيير بس والله حلو عليهم لو عايزه تجربي خللي الكوافير يحدد لكي الدرجه اللي هاتليق علي لون بشرتك علشان يطلع حلو
بليك ليفلي كان شعرها الاول اصفر ،
روز ماكجاون كان شعرها بني ،
سكارليت جوهانسون كان شعرها اصفر متهيالي كان احلي عليها ،
جوليان مور شعرها اصلا احمر ،
كريستين ستيوارت بطله توايلايت كان شعرها اصفر ،
درو بيري مور شعرها كان دايما ما بين البني و الاصفر ، ياتري عندك الشجاعه تغيري كده لو عايزه تشوفي صور اكثر عن هذا الموضوع تابعي اللينك

http://www.ivillage.com/hair-inspiration-gallery-red-hair-color-shades/5-b-256024?nlcid=in|05-03-2011|#256063

blake lively and the skinny jeans بليك ليفلي و السكيني جينز

بليك ليفلي بطله جوسيب جيرلز طبعا جسمها تحفه و متناسق جدا و من حقها تلبس كل اللي هيه عايزاه ، و بيليق عليها جدا السكيني وهنا في الصور ستايلات مختلفه للسكيني و طريقه لبسه
كل البنات هنا بتحب تلبس السكيني جينز و اظن انهم مش بيلبسوا غيره ، و لكن مش كل جسم بيليق عليه الموديل دة علشان كده لازم تجربي موديلات تانيه من الجينز وتشوفي شكللك ايه

هنا شويه حاجات لازم تخلي بالك منها قبل ما تلبسي السكيني:
لو كنتي عريضه من الهانش حاولي تلبسي توب يوصل لنصف الهانش
لو كنتي مليانه قوي ابعدي عن السكيني و اختاري جينز سترايت كات ،ها يفرق كثير في الشكل
لو كانت رجليك مليانه من تحت ابعدي عن السكيني خالص لانه هايبين تخن رجليك اكثر
دايما حاولي تضبطي طول الجينز من تحت حسب طولك علشان مايبقاش في كشكشه كثيره من تحت ،اي ترزي او خياطه ممكن تضبطه لو نفسك تلبسيه و مش بيهمك راي الناس تبقي شجاعه جدا وانت حره
لو عايزه تشوفي كل صور بليك ليفلي تابعي اللينك.

http://www.look.co.uk/pictures/blake-livelys-best-fashion-moments/blake-lively-mixes-style-with-comfort-pairing-christian-

بنطلون اسود مع حزام عريض و قميص ابيض ، كلاسيك لوك

جينز مع باليرينا وتوب اسود و جيليه، كاجوال لوك

بنطلون جلد سكيني مع بليزر طويل و هاي هيل ، كلاسيك لوك

بنطلون سوبر سكيني مع بلوزه و جيليه قصير،
اللوك ده ينفع الجسم العريض شويه لانه ها يخلي العين تبص علي الطبقات المختلفه

كاجوال لوك

سوبر سكيني ده ينفع الرفيعين بس اللي رجليهم متناسقه مع عرض الهانش

سكيني مع جاكيت لوي بوتون شيك جدا طقم تحفه

سكيني اسود مع توب وجيليه طويل ينفع الجسم العريض شويه ، لوك كاجوال

طقم رالف لورين ينفع لبعد الظهر

سكيني مع توب طويل و جاكيت جلد، طقم ينفع للصباح و المساء

Full skirt trend فساتين وجوبات واسعه

الموضه دلوقت الفساتين اللي نازله كلوش او ايفازيه وكمان الجوبات الواسعه . المشكله معايا انا بالذات انني بحب البس البنطلونات جدا وباستريح فيهم جدا ولما بفكر البس جوب او فستان بحتار جدا لانني مش بعرف انقي صندل ولا جزمه ولا باليرينا ولو كنا في الشتاء يبقي لازم البس كولون اوبوت بعد قراءات متعدده و بحث في كل السايتات المتعلقه بالموضه وجدت الاتي:

لازم مراعاه موديل الجوب او الفستان حسب السن يعني مثلا المراهقات و الشابات لغايه العشرين ممكن ان يلبسوا جوبات واسعه بكرانيش والتل المنفوش وغير مقبول للسن من فوق الاربعين ان يلبسوا الكرانيش لان شكلهم هايبقي مسخره

الميني جوب ممكن يبقي مناسب للمراهقات والعشرينات و لغايه سن الاربعين بعد كده الطول الانسب ان يكون لغايه الركبه او الميدي و الشانيل و الماكسي طبعا لكل سن ماعدا القصيرين لان الماكسي هايخليهم يبانوا اقصر

طبعا موديل الصندل او الجزمه لازم يبقي ملائم للمناسبه يعني لو خارجه بعد الظهر او رايحه سهره الاشيك انك تلبسي كعب عالي، ولو خارجه الصبح او رايحه النادي ممكن تلبسي باليرينا ولو في الشتاء ممكن تلبسي كولون و بوت وهكذا

لو وسطك عالي ماتلبسيش حزام علي الجوب لان ده هايصغر الجزء العلوي اكثر ممكن تلبسي بلوزه قصيره توصل لكمر الجوب او تحتيه بشويه

Zara ss11 زارا صيف2011

اعرض لكم جزء من مجموعه زارا تتميزالمجموعه بكل صيحات الموضه مثل المقلم والالوان الفاقعه والجينزذو الرجل الواسعه والمشجر ولوك السبعينات
اختاري ما يناسبك و يناسب شكل جسمك،ممكن ان تختاري قطعه او اثنين لتكملي دولابك
لمزيد من الموديلات والمجموعه كلها تابعي الرابط
محل زارا في سيتي ستارزبالقاهره

Collection - Woman - ZARA Egypt

بلوزه نصف كم بكسر علي الرقبه مع جوب قصيره مقلمه تصلح للجسم النحيف

جاكيت مشجره قماش خفيف مع تيشيرت كات وبنطاون بقصه مستقيمه

بنطلون واسع مشجر مع توب مقلم وجاكيت جلد انسجام الالوان جميل جدا

طقم الوانه مفرقعه للصيف

فستان ماكسي الجزء العلوي دانتيل والسفلي قطني مع جاكيت من القماش الجيشي يعطي لوك عصري جدا

جينز مع توب مقلم و جاكيت لاحظي استعمال الوان بدرجات مختلفه مع بعض مثل السود ،الاحمر،الفوشيا

جوب مشجر مع توب تريكو لوك رومانسي جداصندل تحفه للفرجه فقط سعره ثمنمائه جنيه

pregnant and chic حامل وشيك

فنانات كثير قوي دلوقت حوامل وكلهم بيتنافسوا انهم يكونوا الاشيك و الالذ وفعلا كلهم شكلهم يجنن، زي ناتالي بورتمان، كايت هدسون،ايفانكا ترامب،ماريا كاري،بادجلي ميشكا و تيا موري
اهم حاجه في فستان الحمل انه يبقي مريحك و مخلي شكللك حلو ومش مبين بطنك اوي وم ميكونش ضيق جدا او واسع جدا
لمزيد من موديلات فساتين الحمل تابعي هذه الروابط

Pregnancy Fashion | Maternity Fashion | Pregnancy Styles | Maternity Clothes | Celebrity Pregnancy Fashion

Pregnancy Clothes.com - Maternity, pregnancy clothes & accessories, Work wear, Casual wear, Formal wear.