The jeans jacket is a trend الجاكيت الجينز موضة

كتبت مجلة فوج مؤخرا أن بملاحظة اتجاه الموضه وجد المصممون أن المرأة الان عادت لتلبس الجاكيت الجينز مره اخري 

اختلفت طريقة لبسه عما قبل فاصبحنا نري الجاكيت فوق الفستان او الجوب وايضا علي ملابس المساء

تطورت ايضا قصة الجاكيت فاصبحت اكثر تكسيما

ظهرت الجاكيت بالوان جديدة مثل الأبيض و الوردي و الرمادي

  مجموعة جاب مازالت تصنع الجاكيت بنفس موديل 1969

 فلو تملكين جاكيت جينز منذ زمن ممكن ان تستخدميه الان و للعلم هو يصلح لكل الاعمار

http://www.vogue.com/vogue-daily/article/the-return-of-the-jean-jacket-and-the-best-13-of-the-season/?mbid=nl_VO_VOG_Edit_JeanJacket_042412

بينيلوب كروز

مجموعة جاب

                                                                       علي تي شيرت

الجاكيت علي فستان مشجر

Egyptian Designer Rahaf&Kenzy 2012 collectio مجموعة رهف و كنزي المصريه للمحجبات

أشعر بسعادة غامرة  و فخر حين أري تصميمات جديدة لمصممات مصريات ، نعيمة كامل مصممة أزياء مصريه  تصمم ملابس للمحجبات بطريقة مبتكرة للخروج من الشكل السائد الان للحجاب المنتشر في مصر وهو الحجاب بالسكيني جينز والحجاب بالبودي الكارينا و ايضا يوجد في مصر الان انواع مختلفة للحجاب  ، الخمار ، العباية ، البالطو، البدلة ، البلوزة و البنطلون العادي والطرحة مع السكيني و البودي الكارينا و هو أسوأ أشكال الحجاب

تحاول المصممه الخروج من هذا الاطار بعمل شكل عصري  للاحتشام، استخدمت في مجموعة صيف 2012 القماش الليكرا القطن و اعتمدت في خطوطها علي القصات الواسعة التي لا تبرز تفاصيل الجسم 

استعملت البنطلون الواسع كأساس في كل الأطقم و ايضا الشال

استخدمت الخط العربي في الطباعة وهو موضة جدا الان في مصر و ايضا الايشارب المشجر الشعبي المشهور في الريف المصري

الشنط كبيرة نوعا ما والأكسسوار عبارة عن سلاسل طويلة مطعمه بالاحجار الملونة

مجموعة صيف 2012 الجميلة في محلات رهف و كنزي بعباس العقاد مدينة نصر

نعيمة كامل

الطباعة بالخط العربي علي الشنطة و الفستان

الايشارب المشجر

استغنت عن البودي ببلوزات لها كم مميز

لاحظي الطباعة و الشال

البنطلون الواسع  من الحجرولكن هل هو مريح؟ لا ادري

استخدمت الكولور بلوك

how to wear the leather pants كيف تلبسين البنطلون الجلد

البنطلونات الجلد دلوقت موضة جدا ، والقماش بتاعه بقه خفيف يعني ينفع للصيف و للشتاء 

ايضا ينفع للخروج بعد الظهر بس طبعا لازم جسمك يبقي مناسب لأنه بيوضح تفصيلات الجسم فالموديل دة يصلح للشابات النحيفات فقط،  لكن لوكنتي مليانة و شجاعة ومش بيهمك ممكن تلبسيه بس علي توب طويل او كارديجان

 دي بعض الصور بتوضح لوك مختلف تقدري تختاري منه

جانواري جونز ببنطلون جلد بيج مع جاكيت و توب في نفس الوان البتطلون

روزي هانيجنتون بنطلون اسود مع توب اسود وجاكيت لبني

Faiza Abou Elnaga Style ستايل د. فايزة ابو النجا

دكتورة فايزة ابو النجا وزيرة التعاون الدولي تعتبر الأن اقوي سيدة في مصر واجهت تحديات كثيرة و استطاعت ان تدافع عن مواقفها امام اي هجوم 

استطاعت ان تعزز موقف مصر و تكسب ثقه دول كثيرة. تتميز بشخصية قوية و كما قالوا عنها من قابلها فهي المرأة الحديدية الثانية  لا تتأثر بأي شيء

   وكما ان لها شخصية مميزة ايضا طريقة ملابسها مميزه و لها بصمة

وهذا ما يميز اي ستايل ان يكون لكي بصمة مثلا الشنط الكبيرة او اكسسوارات بشكل معين، ايشارب طريقة لبس معينة و هكذا 

د. فايزة تعتمد علي البدله و التايير و دائما الايشارب ، الالوان دائما متناسقه مع الاكسسوار المناسب وهي دائما مهتمة بأناقتها بلا تكلف او بهرجة

التايير لبني و التوب الاورانج و الأيشارب اورانج

لاحظي استعمال الاكسسوار التركواز لعمل كونتراست مع الرمادي و الايشارب الفوشيا

  الأيشارب متناغم مع الجاكيت و العقد و الحلق في نفس الالوان

الجاكيت احمر

مع ايشارب رمادي

ايشارب ابيض في اسود مع طقم اسود

طقم بيج مع اكسسوار و ايشارب بني

Adele style transformation ايدل و لوك جديد

ايدل فنانة بريطانية ولدت عام 1988 و أول البوم لها كان سنه2008  

أول لما شفت صورها منذ فترة لم تلفت انتباهي قلت دي واحدة فنانة مليانة شوية وخلاص لكن لما شفت صورتها علي غلاف مجلة فوج الأخير وقالت لي ابنتي ان هذه ايدل ودي خست جدا

بدأت أبحث عن صورها القديمة ووجدت فعلا تحول رهيب في شكلها في فترة زمنية تعتبر مش طويلة حوالي سنتين

بدأت ايدل بلوك اكبر من سنها تسريحات السبعينات و مكياج يعطيها شكل أكبر من سنها الحقيقي ، عمري ما كنت أتخيل ان عندها ثلاثة و عشرين سنة فقط

ايدل كانت من الأجسام الممتلئه حتي ان قال عنها مصمم الازياء كارل لاجارفيلد انها تخينة قوي بس صوتها حلو ولكنه قدم اعتذار رسمي بعدها و قال هذا رأيي من الناحية المهنية

ردت ايدل في هذا الموضوع ان جسمها يعجبها و هذا الجسم  الطبيعي لمعظم البنات

تعرضت ايدل لمرض في احبالها الصوتية وعملت عملية قررت بعدها التوقف لفترة عن الغناء بعد نجاح البومها ايدل21

استطاعت ايدل ان تخفض من وزنها بصوره كبيرة وهذا واضح في الصور

اعتقد ان اي تحول في الستايل و اللوك يبدا من الشعر ثم المكياج ثم اللبس

احلي اغنيه لأيدلhttp://www.youtube.com

 /watch?v=hLQl3WQQoQ0&ob=av2e

في الصور التاليه ايدل باللوك القديم وبعد كدة هاتلاقي صور تانية شكلها مختلف تماما

تسريحة الشعر الشينيون المرفوع و الفستان دانتيل كلاسيك يعطينا احساس بانها أكبر سنا

  

في هذه الصورة الملابس تبرز امتلاء جسمها وتسريحه الشعر تعطيها سن أكبر 

  تسريحة الشعر من السبعينات تبرز كبر وجهها وايضا بتكبر في السن

متهيألي ان القصة مش لايقه برضه علي وشها

التحول في ستايل الشعر و المكياج يعطي اختلاف كامل في الشكل و السن لاحظي الفرق تبدو ايدل اصغر عمرا بكثير من الصور السابقة

ايضا استطاعت ايدل ان تخفض وزنها بصورة كبيرة في الفترة الاخيرة وذلك يثبت المقولة "لا يوجد مستحيل 




تسريحات الشعر الوايفي بتعطي سن اصغر وتعطي مظهر طبيعي 

صور ايدل في العدد الاخير لمجلة فوج في شهر مارس 2012

لاحظي اختلاف تسريحة الشعر و المكياج اعطي اختلاف تام في اللوك

vogue

Victoria Beckham FW 2012 مجموعة فيكتوريا بيكهام لخريف 2012

تتميز ازياء فكتوريا بيكهام بالبساطه و الخطوط المستقيمة و الليدي لايك لوك او ازياء الهوانم . استطاعت فكتوريا بيكهام في السنوات القليلة من بداية عملها في مجال الازياء ان تضع لنفسها بصمة او علامه في هذا العالم الواسع  وحصلت علي جائزة احسن مصمم  ازياء بريطاني للعام الماضي واصبحت ازيائها مطلوبة من معظم المشاهير

تعيش فيكتوريا مع عائله رياضية  جدا فزوجها دايفيد بيكهام لاعب الكرة الشهير و اولادها دائما في ملاعب الكرة وهذا كما تقول فيكتوريا كان له تأثير كبير علي مجموعتها لهذا الخريف

تقول فيكتوريا عندما رأيت اولادي عائدين من التدريب بملابس الرياضة المخططة  والشرابات الطويلة قررت ان استعمل هذه الخطوط في مجموعتي القادمة فالمجموعة كلها استطيع ان اختار منها اي قطعة و البسها 

تتنوع الالوان من الزيتي ، الاخضر الجنزاري ، الازرق الزهري و الاسود 

المجموعة كلها في موقع   vogue.com 

لاحظي القصة التي تعلو اسورة الكم والشراب السميك تحت البوت

اختيار اللون  البني الكونتراست مع الزهري

 القصة المنحنية عند الوسط و الارداف تصلح للمرأة الممتلئة

لاحظي الخطوط وقصة الكم مستوحاة من التيشيرت الرياضي والياقة ايضا

ٍShopping advise نصائح للشوبنج بسهولة

                                             عايزة انزل شوبنج

كلنا طبعا أكيد بنحب ننزل شوبنج وأسهل حاجة اننا نأخذ شنطتنا وننزل ولكن يا تري لما بننزل بنعمل ايه؟

أنا ها تكلم عن تجربتي الشخصية. أنا ممكن أنزل خمس أو ست مرات  علشان أدور علي حاجة معينة وممكن ما ألاقيهاش وممكن كمان ألاقيها و أتردد وأقول لنفسي يمكن ألاقي حاجة أحلي و أسيبها وأمشي ولما أرجع تاني علشان أشتريها الاقيها اتباعت وتبقي الفقعه الكبري لية J

بس الميزة في الموضوع ده انني بأكون حفظت المحلات منزله ايه و ايه المحلات الحلوة اللي ممكن الاقي فيها الحاجات اللي انا عاوزاها.

بعض النصائح المفيدة لتسهيل عملية الشوبنج :

1-    حددي دائما انتي عايزة تشتري ايه ، بلوزة ، بنطلون ، جاكت ، طقم كامل

2-    حددي اللون و ده بعد ما ترجعي لدولابك الجميل علشان تشوفي ايه اللون اللي ناقص

3-    لو عندك طقم ناقص قطعه حاولي انك تكمليه

4-    حددي الميزانية المتاحه علشان تعرفي هاتعملي شوبنج فين بالضبط

5-    لوعندك مناسبة ابدأي شوبنج قبلها علي الأقل بأسبوعين علشان يبقي عندك وقت كافي لتحضري للفستان و اكسسواراته ولما تنزلي البسي البرا المناسب  لفستان او طقم السهرة

6-    الأفضل انك تعملي شوبنج لوحدك علشان تعرفي تركزي ولا تتأثري برأي اخر ولو مش قادرة تقرري ممكن تحجزي الحاجة و تنزلي تاني مع من تثقي في رأيه

7-    اختاري المحل او المول اللي انتي متأكدة انك ممكن تلاقي فيه الحاجه اللي انتي عايزاها لأنك لو رحتي مكان تاني ممكن تلاقي نفسك اشتريتي حاجات انتي مش محتاجلها

8-    لما تدخلي المحل أول حاجه دوري علي اللون اللي انتي عايزاه  كده بتوفري وقت، والسكشن اللي فيه الشيء المطلوب يعني مثلا لو عايزه حاجه لبعد الظهر ادخلي علي طول علي السكشن اللي فيه ملابس السهره أو لو عايزه توب دوري علي قسم البلوزات، بعد ما تلاقي الحاجه اللي انتي عايزاها ممكن تتفرجي علي باقي المحل لكن م تضيعيش وقتك قبل كده

9-    لو في تخفيضات لا تتأثري بها حتي لا تضيعي ميزانيتك في أشياء لا تحتاجها

10-                                                                                  في التخفيضات ما تشتريش حاجه انتي مش عارفه ها تلبسيها علي ايه لأن غالبا ممكن تفضل في دولابك لأنك مش لاقيه حاجه تليق عليها

11-                                                                                  لازم تقيسي اي حاجه عايزه تشتريها و تتأكدي انها مريحه اقعدي بها و وطي و ارفعي ايدك و نزليها ومش لازم اللبس يبقي ضيق قوي او واسع مفروض انه يبقي مضبوط تأكدي أيضا أن قطعه الملابس ما فيهاش أي عيوب

12-                                                                                  تأكدي أيضا أن قطعه الملابس اللي قستيها هي بنفس المقاس اللي موضوعة في الكيس لأن ساعات كثير بتحصل لخبطة في المقاسات