New lace cut designs توزيعات جديده للدانتيل

ايسلا فيشر بفستان دانتيل احمر الكنار موزع في فتحه الصدر و الذيل

الاميره كيتي بفستان اسود بقصات

الدانتيل نوع من القماش الراقي الغالي الثمن خصوصا لو كان الدانتيل من الحرير لكن لو وجدت دانتيل رخيص الثمن يبقي اكيد مش اصلي او مصنوع من البوليستر.في انواع كثيره من الدانتيل مثل دانتيل شانتيه، دانتيل جيبور وهو ذو الورد البارز
يستعمل الدانتيل عموما الان في الفساتين السواريه و فساتين الافراح وساعات دلوقتي بيستخدموه في ازياء النهار و المساء وده موضه جدا الموسم ده
خياطه الدانتيل صعبه و محتاجه لدقه ومهاره و صبر، ولما تروحي للخياطه او للترزي و معاكي قماش دانتيل تقولك" الدانتيل ما يتقصش فيه
احسن حاجه نعمله حته واحده" وده طبعا اسهل جدا لان ما فيهوش اي ابتكار او صعوبه
خياطه الدانتيل الصحيحه بتكون معظمها علي الايد لوضع الوردات جنب بعضها من غير الخياطه ما تظهر وتسمي هذه الطريقه انكلوستيه والطريقه دي بتاخّد وقت وجهد كبير جدا
الصور التاليه فيها توزيعات جديده للدانتيل واستخدامات مختلفه للكنار
لمزيد من موديلات السهره تابع
terani.com

الفستان ساتان درابيه من الوسط والصدر والهانش. الدانتيل في الجزء الاسفل،الكنار موزع علي حرف الذيل و ابليكات علي الصدر

الجزء الاخير من رسمه الدانتيل مع الكنار مستعمل في منطقه الوسط

طقم من الدانتيل الشانتيه يصلح للصباح والمساء استعمل القماش كامل في القطعتين

توزيع مبتكر للدانتيل لاحظي الكنار موضوع بالمقلوب في الصدر و الاكمام ثم بالعكس في منطقه الهانش والذيل

الجميله سكارليت جوهانسون في حفل الاوسكار الاخير. حاولي ان تتبعي رسمه الكنار

هنا استخدم الكنار في منطقه الصدر وعلي البستين لاخفائهما و في الذيل