shoe styling

Shopping mistake غلطات الشوبنج

في يوم ذهبت شوبنج وكان في تخفيضات ، عجبتني حاجات كثيره ولكنني قررت ان اشتري بلوزات، علشان ينفعوا علي البنطلونات اللي عندي
لما روحت البيت وفرجتهم لزوجي العزيز قلتله" ايه رايك"
قال لي" في ايه" قلتله" في البلوزه الجديده "قال لي "دي كانت عندك"
فكرت شويه وفتحت الدولاب وطلعت كل البلوزات لقيت فعلا ان عندي نفس البلوزه ولكن بنقشه ولون مختلف
لكن لما تبصي علي كل البلوزات تلاقيهم شبه بعض، وده لانني بحب البلوزات المشجره بالورد او النقوش الصغيره
غلطه ووقعت فيها ، مش معني انني بحب رسمه او نقشه ان كل اللبس يبقي شبه بعضه ، يبقي كده معملتش حاجه وشكلي هايبقي هوه هوه
المفروض ان الواحد يغير علشان يبقي في تجديد وما نزهقش من شكلنا
احسن حاجه ان الواحده تجرب وتقيس كل جديد بكده هاتقدر تعرف ايه الي بيليق عليها اكثر،و ما تقعش في غلطتي وتشتري حاجه مكرره

Ellie Saab Fall RTW 2011 ايلي صعب خريف

عندما اري تصاميم ايلي صعب اصاب بما يصاب عشاق ام كلثوم، عندما يصرخون من كثر الشجن الله يا ست،عظمه يا ست انا ايضا اقول الله ايه العظمه دي، ايه الروعه دي،عندما بدأت في تصفح مجموعته لم استطع ان اتوقف الا عندما انتهيت من كل المجموعه و اصبحت مثل التي تسبح في عالم الاحلام و الرومانسيه
الخطوط و القصات ناعمه انسيابيه،حالمه تجعلك تقعين في حب كل تصميم وتتمني ان تحظي بشرف اقتناءه
في مجموعه خريف 2011 استطاع ايلي صعب ان يجمع كل الاّذواق في مجموعه واحده ،من يحب الالوان البراقه يجدها و من يحب الالوان الهادئه يجد ما يريد وعشاق اللون الاسود لهم النصيب الاكبر في هذه المجموعه
استعمل اللون الاحمر ،الاسود ،البنفسجي الغامق ،البيج ،الرمادي
يوجد ايضا موديلات تصلح للمرأه العامله او لعشاء العمل ويوجد موديلات السهره
استخدم القصات الدرابيه ،القماش المشغول ، القماش المنقوش، قصه الصدر السبعه واستخدم الكتف العالي الغير عريض
من اشد المعجبات بتصاميم ايلي صعب الفنانه اليسا فهي دائما تشيد بتصميماته وتلبس دائما منها وحضرت اخر عرض اقيم له في باريس لمجموعه 2012

المجموعه كلها علي موقع
Elle

H&M with Versace designs الان تصميمات فيرساتشي في اتش اند ام

دلوقتي تقدري تلبسي من فيرساتشي، اتفقت مجموعه اتش اند ام مع بيت ازياء فيرساتشي ان يصمم لها المجموعه القادمه و ستظهر المجموعه في شهر نوفمبر القادم
ستكون المجموعه بنفس اسعار اتش اند ام ،اي ستكون اسعار مناسبه للجميع ,و يستطيع اي شخص شراءها
قالت دوناتيللا فيرساتشي المسئوله عن بيت الازياء الان بعد وفاه اخيها جياننيني ان المجموعه ستضم اجمل ما صمم فيرساتشي و ذلك يجعلنا نتوقع وجود الجلد والسلاسل واللون الذهبي و الطبعات المشجره الجميله و الازرار الميتاليك و الموديلات المستوحاه من اللبس العسكري
مجموعه اتش اند ام لخريف2011 موجوده علي موقع
look
ايضا مجموعه فيرساتشي للخريف القادم2011
versace
اتش اند موجود في القاهره في سيتي ستارز مدينه نصر و داندي مول بطريق مصر اسكندريه

طقم من مجموعه اتش اند ام للخريف القادم

مجموعه فيرساتشي لخريف
2011
فستان اسود قصير مطعم بحليه جلد علي شكل ثعبان

بالطو فرو احمرمع حزام جلد

بالطو جلد برسمه الثعبان مع اكمام من الفرو

فستان اسود كلاسيك مع حليه صفراء

جوب جلد كلوش مع بلوفر هاي نك مشجر لاحظي تناسق الالوان مع الشنطه و الجزمه

فستان من الريش الاصفر يصلح للشابات

Long sleeve wedding dress فستان فرح بكم طويل

اكتر حاجه بتغيظني لما باشوف صور افراح عرايس محجبات لابسين فساتين و تحتها بودي مشغول او ساده، المنظر ده بيبوظ اي فستان فرح حتي لوكان الفستان تحفه
الفستان السان بروتال او العاري من الظهر معمول علشان يبقي الموديل كده و اي تعديل باضافه قماش تاني يبق غير مظبوط
ياريت كل عروسه محجبه تنقي فستان يكون اصلا موديله بكم طويل لان ده بيدي منظر تاني خاص ، وكلنا شوفنا صور كيت ميدلتون عروسه الامير ويليام، كانت لابسه فستان بكم و شكلها كان حلو جدا
ممكن التحايل علي فتحه الصدز المفتوحه بتبطين نفس القماش بقماش لون الجسم هايبقي متغطي و في نفس الوقت ه يعطي شكل للدانتيل الشفاف
ممكن كمان استخدام البوليرو بموديلاته المختلفه برضه ها يبقي شكله حلو بس المهم يبقي بنفس نوع القماش المستخدم
ايضا لازم نسمع كلام الخياط او مصممه الازياء في اقتراحتها لانها اكيد فاهمه شغلها كويس و عارفه ايه اللي ممكن يليق علي كل جسم
هناك مواقع كثيره للبحث عن فساتين الافراح مثل برونوفياس
موقع ماي بيج فات ودنج درس
bridalbeauty

صور فستان كيت ميدلتون تابع موقع our village