احنا لسه عايشين والله

أحلي يوم قضيتة من زمان في حديقة الأسماك بالزمالك . من أول ما قربنا من المكان وأنا  حسيت ان مصر اللي أنا عارفاها رجعت تاني هما دول الناس اللي أنا عرفاهم ومتعودة عليهم  ، الضحك ، الشياكة ، الأدب ، السماحة الكل رايح علشان ينبسط وكان دة بدعوة من جمعية محبي حي الزمالك عملوا  حفلة موسيقية وبازار في حديقة الأسماك لصالح الجمعية وكمان عملوا العاب للاطفال داخل الحديقة من تبرعات اعضاء الجمعية بصراحة المجهود كان جبار وكانت الحفلة منظمة جدا 

الجو كان رائع شمس الشتاء الدافئة مع الخضرة والوجه الحسن فعلا. الكل كان شكله حلو وشيك الستات ، البنات ،الشباب  الأولاد الكبار حتي الستات الكبار في السن كانوا شيك جدا

لفت نظري ان كل البنات تقريبا كانوا لابسين علي الموضة والسيدات الأكبر شوية الكل مهتم بكل التفاصيل الصغيرة الشنطة ،الأيشارب ، البوت و الأكسسوارشفت كمان البرنيطة

  الكل كان فرحان وناس كتير تعرف بعضها و ما شفتش بعض من زمان سواء كانوا جيران او زملاء في المدرسة او في الجامعة        حالة حب كانت بتلف الجنينة كلها بعيد عن المظاهرات و السياسة و حالة الكره اللي كان الأخوان بيحاولوا ينشروها بين المصريين لكن ما نجحوش لأن المصريين مش سهل حد يضحك عليهم احنا هانعيش ونفرح ونتطور غصب عن أي حد.

 

Taste of Zamalek WINTER MAGIC AT THE PARK
https://www.facebook.com/events/230700650441507/?source=1

اتيكيت شرب الشاي

 

كلنا طبعا بنشرب شاي وبنشربة في أي وقت وفي أي كوباية أو ماج ونادر دلوقتي لما بنشربه في فنجان

لكن شرب الشاي في الفنجان له أصول وعادات وطبعا ايتيكيت . طقم الشاي مازال أساسي في كل بيت للأن لكن غير مستعمل

ايه رأيكم نطلعه من البوفيه ونغسله ونتعلم نعمل جلسة شاي شيك

من وحي المسلسل البريطاني داون تاون ابي اللي بيتكلم عن عصر الأرستقراطية البريطانية مجلة هاللو .

كتبت هذ المقال عن اتيكيت جلسات الشاي البريطانية

ميعاد الشاي يبدأ من الساعة الاربعة عصرا و يمتد الي الليل. في جلسة الشاي تبدأي الكلام مع من يجلس شمالك ثم مع من يجلس يمينك ثم اللي يجلس بعده وهكذا حتي يتم الكلام مع كل اللي في المجلس

واليك خطوات شرب الشاي 

صبي الشاي من البراد مع تأمين الغطاء بايدك علشان ما يوقعش

صبي اللبن للي عايز

قلبي الشاي باتجاه أفقي وليس دائري من ستة الي اثناعشر مرة  :) وحاسبي تدلقي أي حاجة برة

ما تقلبيش باتجاه دائري وتخبطي في الفنجان الصيني

شيلي الفنجان بشويش وما تعليش ايدك قوي

 ما تدخليش صباعك في الودن بتاعة الفنجان

ما تمسكيش الفنجان بايدك كلها كأنك عايزة تدفي ايدك

ما ترفعيش صوابعك لفوق وانتي ماسكة الفنجان كأنك رقيقة وشيك قوي،  دي حركة بلدي

لو الشاي معاه بسكوت ممكن تكسريه بايدك وتاكلي نص وبعدين النصف الثاني

  لو في مربي أو زبدة حطيهم في جنب الطبق  الاول مش علي الكيك او البسكوت علي طول

امسحي  بشويش كل شوية بقك من الجنب بالفوطة أو المنديل

ماتمسحيش جامد بالفوطة
حطي الفوطة جنب الطبق بعد ما تخلصي
الصور من جوجل

  

الطريقة الصحيحة لإمساك فنجان الشاي

طريقة خطأ لوضع الاصبع بداخل يد الفنجان

طريقة خطأ لإمساك فنجان الشاي لرفع الأصبع الصغير

طريقة خطأ لمسك الفنجان باليدين

اضحك الصورة تطلع حلوة

اضحك علشان الصورة تطلع حلوة ، كان زمان بيقوللنا كدة علشان نتصور قبل الموبايل والاي فون وغيره كانت الصورة فعلا بتبقي حلوة ، لكن بعد التطور الرهيب في الكاميرات  ، الكاميرا بقت تجيب ادق التفاصيل يعني لو وشك في نقطة بني هاتبان او لو صاحية تعبانة شوية برضة ها يبان التعب في الصورة علشان  كدة خلاص ما بقاش ينفع تتصوري من غير ما تستعدي او تخلي بالك من حاجات معينة وبسيطة ممكن تغير شكلك و تخليكي احلي

ابداي بوضع الاي شادو الاول قبل الفوانديشن علشان تقدري تصلحي اي حاجة مش عاجباكي و دايما ما تحطيش كتير ابداي خفيف وبعدين تقلي لو  زودت دة بيديكي سن اكبر في الصور

 حطي اي لاينر علي الجفن اللي فوق وبعد كدة ماسكرا تقيلة لانها هي اللي بتظهر العين 

استعملي فونديشن فاتح وخفيف علشان ينور وشك

لو ها تلمي شعرك حطي كمان فونديشن علي ودانك علشان لو اكانت بتحمر ها تبان

ما تحطيش اللون الفضي في ركنة العين لانة مش بيبقي حلو في التصوير استعملي الكونسيلر في الاركان وتحت العين

ما تنسيش البلاشر في اركان وشك وعلي عضمة الخدود

  تقلي حواجبك لان دة بينور العنيين وبيظهر جمالهم

الجوب الميدي موضة جدا

الجوب او الجونلة الميدي او اللي طولها يصل لنص الساق من القطع الاساسية في اي دولاب  و كمان موضة جدا للخريف القادم ممكن تلبسيها بطرق كتيرة ممكن تخلي البلوزة جوة او تطلعيها برة بس لو الجوب واسعة البلوزة تبقي ضيقة و العكس صحيح 

تنفع للصباح والمساء حسب التوب والاكسسوار و نوع القماش

لمزيد من الصور بوب شوجر

القصة دي بتداري الارداف العريضة

الاسود طبعا ملك الالوان وعلشان يبقي في كونتراست ممكن تستعملي تاني معاه

ستايل الطبقات

عشر نصائح للحفاظ علي بشره شابة دائما

غلطات صغيرة بنعملها ممكن نكون شايفنها بسيطة لكنها بتأثر جامد علي بشرتنا وشكلنا وممكن نبان اكبر من سننا والعلماء والباحثين دائما بيلاقوا حاجات جديدة ممكن انها تأخر شوية من مظاهر الشيخوخة زي

ابعدي عن الشمش خصوصا في اوقات الذروة ودائما استعملي سن بلوك

خدي كفايتك من النوم علي الاقل 8 ساعات

ابتعدي عن التوتر........ صعب شويه

ركزي في اكلك علي الخضار و الفاكهة و ابعدي عن منتجات الالبان والعيش الابيض والمعلبات والاغذية المحفوظة

ابتعدي عن التدخين والاماكن اللي فيها تدخين

ابعدي عن الكحوليات

اتعلمي تحطي مكياج صح ساعات البودرة و الفاونديشن الكتير بيعلم في الثنايا الصغيرة في الوش وبيدي سن اكبر

الرياضة مهمة جدا حتي لو حاجة بسيطة في اليوم بس ما تكسيليش

الهرمونات بتتلخبط لما بنكبر فلازم تاخدي فيتامينات تعويضية

المنطقة اللي تحت العينين حساسة ورقيقه جدا لازم تهتمي بيها بالكريمات

http://www.stylelist.com/view/10-everyday-things-that-age-you/#!fullscreen&slide=46828

 

 

 

 

انقلاب ولا مش انقلاب المهم اننا خلصنا

بيقولوا ان اللي حصل يوم 30 يونية دة انقلاب وناس تقول لا مش انقلاب بالنسبة لية مايهمنيش المهم اننا خلصنا من الاحتلال الاخواني اللي تسلل لعقول المجتمع الفقير قبل الغني وعملة غسيل مخ واكيد علي بال ما تصحي عقول الناس تاني ها ناخد وقت

كنت حاسة اني مش في بلدي في حتة تانية و باخاف اكلم مع حد لحسن اقول حاجة تتفهم غلط 

معظم الرجالة ربوا دقنهم مش فاهمة يعني اقتناع ولا راكبين الموضة

الموضة كانت  وما زالت اخوان ستايل يعني الجلباب و الدقن والاسدال والفضفاضة وطبعا النقاب

البنات ياعيني عايزيين يلبسوا ويتشيكوا ويبقوا علي الموضة فتلاقي البنت لابسه الطرحة  والبودي الكارينا الملزق علي ايديها ومن تحت السكيني وكل جسمها متفسر يبقي اية لازمة الطرحة ؟ مش عارفة؟  وساعات تلاقيها لابسة اربع طرح في عز الحر وتقعد تلبسها في ساعه قبل ما تنزل علشان تعمل شكل جديد مختلف 

اما السيدات فاستسلموا للامر الواقع و انقاضوا لموضة الاخوان من باب التقرب لله وعلشا ن يبقوا زى الناس اللي حواليهم قليل جدا اللي لابسينه عن اقتناع وملتزمين باداب الحجاب .
لكن ياتري هل تهتم المرأه بنفسها كما يجب وهي طول النهار في الشارع من الشغل للمشاوير ولا توصيل الولاد للدروس والنادي والشوبنج وغيره و ترجع بالليل تعبانة وهلكانة وتفك الطرحة وتنام يعني طول اليوم لامة شعرها كحكة يبقي امتي تلاقي وقت تبص لنفسها في المراية

مش عارفة يمكن انا غلطانة لكن انا شايفه ان المرأه المصرية تنازلت عن حقها الطبيعي في الاهتمام بنفسها كأمراه دون تبرج او ابتذال

احنا مجتمع مختلف مش زي السعودية او الخليج مجتمع فيه كل الثقافات فمن الطبيعي ان اري اختلاف ولكن ما كنت اراه شكل واحد من الناس يبقي اكيد في حاجة مش مضبوطة
احلي مقال قرأته يشرح تغغير المجتمع اللي حصل هو
Wahabism is not my culture

امنيتي ان مصر ترجع تاني زى ما كانت مصر من غير عقد وكلاكيع        

فستان وحش وفستان حلو

فستان وحش

 

ديمي لوفاتو بفستان اسود قصير فوق الركبة هو شكله مش حلو عليها علشان رجليها ماليانة وكان ممكن تلبس كولون اسود يداري شويه العيوب والشكل كان هايبقي احلي

فستان حلو
 

جونيت بالترو بفستان تاي باس  يعني الوسط النازل فاكرينه كان موضة في الثمانينات  ورجعت الموضة تاني بس مع اختلاف قصة الكتف والكم هو حلو عليها جدا ومبين تقاسيم جسمها
علشان تدربي نفسك علي الشكل المضبوط تابعي اللينك واختاري اللبس اللي انتي شايفاه حلو وشوفي رأي بقية الناس
http://www.peoplestylewatch.com/people/stylewatch/gallery/0,,20709661,00.html

شوبنج وسياسة

النهاردة نزلت شوبنج في المهندسين في شارع سليمان اباظة رحت الاول لابوتيه محل المكياج ، البرفانات ، اكسسوارات و ملابس داخلية وبعدين دخلت سكاربا كان عنده حاجات حلوه بس اسعاره غاليه شوية  اتفرجت بس .  دخلت اوتو محل الاحذية في نفس الشارع  والعرض كان في حاجات حلوة وبعدين لفت نظري الكراسي الموجودة في المحل كل كرسي مرسوم عليه شخصية شهيره مثل ام كلثوم  ، قاسم امين والسادات واتكلمت انا والبائع وكان فخور جدا بالرئيس الراحل محمد انور السادات وبشخصيتة الفريدة التي لن تتكرر وكان زي كل المصريين زعلان علي حال البلد ونفسه يشوف مصر احسن واقوي وتكلمنا في السياسة واحوال البلد وتحول الحوار من الشوبنج و الموضة الي السياسة. 

في الحقيقة كل الامور مرتبطة ببعضها زي السلسلة البيع والشراء ،الموضة والسياسة  ، الثقافة  الفن كل العناصر تؤثر في المجتمع ككل

      

اجمل فساتين مهرجان متروبوليتان جالا للازياء و الموضة 2013

مهرجان متروبوليتان للازياء  في نيويورك هذا العام كان رائع ، عندما تصفحت الصور وعددهم 78 في مجلة بيبول

انبهرت وكنت في حيرة حتي استطيع ان اختار الاجمل

الثييم هذا العام او الموضوع هو البانك  فاشون ستايل والبانك هم فرق روك ظهروا في السبعينات وكانت لهم طريقة معينة في الملبس والشعر مثل صبغ الشعر بألوان مختلفة ، الملابس الجلدية

أهم مصممي البانك فاشون كانوا فيفيان وست وود وجان بول جولتيير

كل النجوم حضرواهذا المعرض وكانت مباراة في الاناقة و الموضة

روزي هانيجتون ويتلي بفستان من جوتشي الصدرشبك و شراشيب و الجوب من القماش الحرير الذهبي

مينكا كيلي بفستان دانتيل موف مبطن بستان فوشيا
  الدانتيل كان القماش السائد بقصات مبتكرة
الفساتين كانت معظمها جميلة جدا

كيف أكتشف ألواني ؟

ماهي الطريقة السهلة لتكتشفي الالوان الناسبة لك

الوان الموضة تتغير من موسم الي موسم ،  الشتاء الماضي كان اللون البنفسجي  و هذا الصيف الوان الباستيل موضة ، ولكن في بعض الاحيان عند شرائك ملابس بالوان الموضة تجدينها غير ملائمة لك لان هناك عوامل اخري كثيرة تتحكم في مدي ملائمة اللون عليك مثل لون بشرتك ، لون عينيك ولون شعرك ايضا

لذلك معرفة الالوان الملائمة لك مهم جدا عند اختيارك للمكياج و الاكسسوارات والملابس ولتسهيل المهمة عليك قام الخبراء بعملية تحليل الالوان لكل شخص وهذه المقالة  وجدتها في college fashion  توضح لك هذا التحليل

تحليل الالوان  الشخصي هو مدي ملائمة الوانك الطبيعيه مثل لون شعرك،عينيك ،بشرتك مع الوان الاشياء التي تستخدمينها مثل الملابس و الاكسسسوارات و المكياج

فالخبراء قاموا بعملية تحليل الالوان وتقسيمها حسب المواسم وهذه هي اقدم الطرق ولكن اكثرها دقة وتحليل الالوان حسب الموسم هو عبارة عن اعطاء لون لكل موسم الربيع ، الصيف ، الخريف ،الشتاء ولك ان تختاري اي موسم انت حسب لون البشرة، العينين والشعر

الوان المواسم الاربعة تقسم مرة اخري لثلاث اجزاء حسب كل شخص ويميل اصحاب البشرة البيضاء للصيف و الربيع واصحاب البشرة الشمراء للخريف و الشتاء

أنواع الربيع

الربيع الفاتح

العيننين :  اخضر ، ازرق ، تركواز  و اللوزي الفاتح

الشعر :  الاشقر الذهبي المتوسط والفاتح ، الاشقر ، البني الفاتح و المتوسط

البشرة :  العاجي ، الزهري المائل للبيج

الوان الربيع الفاتح

الربيع الصافي

العينين : ازرق تركوازي ، اخضر ، بني ذهبي او توباز

الشعر : بني متوسط او غامق ، بني اسود و بني محمر

البشرة : البرونزية ، بني دافئ ، بني اسود ، عاجي فاتح ، بورسيلين (ابيض ناصع )

الوان الربيع الصافي
 

الربيع الدافئ

العينين : توباز ، اخضر زيتوني ،  جوزي فاتح و تركواز دافئ

الشعر : بني ذهبي فاتح ، احمر ، اشقر ذهبي

البشرة : برونزية ، بيج ذهبي ، عاجي و بورسيلين

الوان الملائمة لشخصيات الربيع الدافئ
 

انواع الصيف 

الصيف الفاتح

العينين : الرماديه الزرق او الاخضر

الشعر : ذهبي اش فاتح لمتوسط ،  بني اش فاتح لمتوسط

البشرة : بيج باهت ، بورسيلين ،  عاجي و بيج  مائل  للزهري

الالوان الملائمة لشخصيات الصيف الفاتح
 

الصيف الناعم

العينين : ازرق رمادي ، جوزي ، تركواز هادئ

الشعر :  بني اش فاتح لمتوسط  ، بني فيراني و بني ذهبي

البشرة : بيج فاتح لمتوسط و عاجي

الالوان الملائمة لشخصية الصيف الناعم
 

الصيف البارد

العينين : رمادي و ازرق

الشعر: بني اش متوسط بدون  درجات الاحمر

 البشرة : عاجي ، بيج زهري ، بيج رمادي و بيج      

الوان الصيف البارد
 

انواع الخريف 

الخريف العميق

العينين : بني غامق ، جوزي غامق ، اسود ،اخضر غامق

الشعر : بني متوسط ، كستنائي غامق و اسود

البشرة : بيج دافئ ، بيج ، بني ذهبي ، بني غامق

الالوان الملائمه لشخصية الخريف العميق
 

 

الخريف الناعم

العينين : بني فاتح ، جوزي ،  ازرق و اخضر رمادي

الشعر: اشقر ذهبي ، بني متوسط ، بني فيراني  مع هاي لايت ذهبي او محمر

البشرة : عاجي ،بيج  ،  بيج دافئ و بني ذهبي

الألوان المناسبة لشخصية الخريف الناعم
 

الخريف الدافئ

العينين : بني ،اخضر زيتوني ، جوزي و توباز

الشعر : بني ذهبي متوسط ، احمر و اشقر ذهبي

البشره : برونز ، بني ذهبي ، بيج ذهبي و عاجي

الالوان الملائمة لشخصية الخريف الدافئة
 

 

انواع الشتاء

الشتاء العميق

العينين : اسود ،بني مسود ، جوزي غامق

الشعر : اسود ، بني ، رمادي

البشرة : اسود ، بيج  متوسط ، زيتوني خالي من اللون الزهري ، بني مسود

الالوان الملائمة لشخصية الشتاء العميق

 

الشتاء الصافي

العينين : ازرق فاتح ، بنفسجي ، اخضر

الشعر : اسود ، كستنائي ، بني متوسط او بني غامق

البشرة : اسود ، بني داكن ، بيج ، زيتوني باهت ، ابيض

الوان شخصية الشتاء الصافي
 

الشتاء اللطيف

العينين : رمادي غامق ، ازرق ، بني غامق ، بنفسجي

الشعر :  اسود مزرق ، فضي ، اسود في ابيض (ملح و فلفل )  ، بدون درجات الاحمر

البشرة :  بني فاتح ، زيتوني ، بيج

الوان شخصية الشتاء اللطيف
 

بعد عرض تقسيمات الفصول و الوانها حاول ان تبحث عن فصلك المناسب ويمكن ان تكون صفاتك مشتركة بين فصلين المهم في الامر ان تستطيعي التوصل لألوانك التي تبرز جمال وجهك

للتأكد من ان اللون نمناسب لكي ضعي قطعة القماش بجانب وجهك اذا كان وجهك مشرق و زاهي فهذا اللون مناسب اما اذا كان اللون هو الظاهر اكثر من لون وجهك   ولون وجهك باهت فهذا معناه انه غير مناسب