Sunday, December 13, 2015

رايحة سفاري

لو رايحة سفاري لازم تحضري نفسك ولو في حاجة ناقصاكي حاولي تشتريها قبل ميعاد الرحلة بفترة علشان تبقي جاهزة
 : خدي بالك من الحاجات دي وانت بتوضبي شنطتك
 الملابس 
معظمها تبقي قطنية  وواسعة زي السويت شيرت او التيشيرت او قميص ممكن ثلاثة او اربعة حسب المدة
البنطلون يبقي جينز ،  جبردين ، سروال او كتان خفيف ممكن واحد أو اثنين حسب المدة
الفساتين هاتبقي مشكلة لو هاتركبي خيل او جمال ممكن تستعمليهم باليل فقط
راعي ان الألوان تبقي فاتحة وبكم علشان اشعة الشمس 
ممكن لجنجز أو ججنز بس بلاش المصنوع من البولبستر لأنة هايحر جدا في الشمس
مايوة أو ملابس للبحر لو في مكان هاتنزلو في البحر او بحيرة
 جاكت صوف خفيف او باركا او فست مع شال و كوفية
برا مريح او المخصوص للرياضة
طقم للنوم وطارد للناموس
كاب او برنيطة
شرابات قطنية 
بوصلة مهمة جدا علشان لو تهت
بطارية تورش للاضاءة
الأحذية
  ، صندل او حذاء خفيف للرمل ، بوت بس يبقي مخصوص للصحراء ،  شبشب و  حذاء رياضي 
الأدوات الصحية
 ، ليب  جلوس ، وايبس ، كريم واقي من الشمس ، نظارة شمس ، فرشاه أسنان  والأدوية الخاصة بك لو يوجد و شامبو وشاور جل  ، مطهر يدين ، بودرة تلك ، ورق حمام ، فوطة ،
قصافة أو مقص 
يجب مراعاة البيئة اللي انت رايحة لها بمعني لو في تقاليد معينة لابد من اتباعها




No comments: